Probirbio 18:2 - Maung a Balita Biblia

² Say toon makulang-kulang anggapoy walad sikato no natalusan toy sakey a bengatla odino andi; say labay to labat say pangipanengneng toy kasiliban ton dili.

Maung A Balita Biblia

² Say toon makulang-kulang anggapoy walad sikato no natalusan toy sakey a bengatla odino andi; say labay to labat say pangipanengneng toy kasiliban ton dili.

Probirbio 18:2 Iomraidhean Croise

Probirbio 1:22

Makulang-kulang a totoo! Anggad kapigan so pansiansia yon makulang-kulang? Kapigan so itonda na panluludlurey yod pakaamta? Ag kayon balut makaaral?

Probirbio 1:7

Pian nawalaan kay pakatalus, nepeg mon galangen ya onona so Katawan. Saray makulang-kulang babalawen da so kakabatan tan ag da labay so manaral.

Probirbio 12:23

Saray totoon makabat ag to ipanpanta a walay amta to, balet say makulang-kulang ibabawag toy inkakulang-kulang to.

Probirbio 13:16

Saray totoon walay pakatalus mannunot ira kasakbayan a walay gawaen da, balet saray totoon makulang-kulang ibabawag day inkakulang-kulang da.

Probirbio 17:16

Anggapoy kakanaan na panggastos na makulang-kulang ed pakagamur toy aral, ta ag to ikakanay olo to.

Probirbio 18:3

Mambansag ya onsabi so kaogsan tan say kababaingan. Ibalang mo so kagalangan mo, et nabalaw ka.

Ecclesiastes 10:3

Say inkakulang-kulang to so pakapatnagan na saray sangkailin naabet to; ipaamta to ed balang sakey a too a sikato et makulang-kulang.

Mateo 8:34

Kanyan linma ray amin ya ombaley a mangabet ed kinen Jesus. Nen anengneng da, kinerew dad sikaton ontaynan lad lugar da.

1 CORINTO 14:12

Bangta pampilalekan yoy pakagamur yo ray maispiritun langkap, pampelengan yon maung iray langkap a makapabiskeg ed iglisia.

1 CORINTO 8:1

Onya met so nibagak, nipaakar ed kakanen ya imbagat ed saray talintaoy diriyos. Amta tayon walay pakaamta tayon amin. Say pakaamta pagmaliwen ton mapaatagey so too; balet say aro mamabiskeg.

FILIPOS 1:15

Tua ya ipupulong na arum si Cristo lapud pangiimon da tan labay day manggolo, balet ipupulong na arum lapud malinis a getma, no ag ingen maung a getma.