Probirbio 18:15 - Maung a Balita Biblia

¹⁵ Say toon maung ya impanolo lawas mampipilalek tan akaparaan a manaral.

Maung A Balita Biblia

¹⁵ Say toon maung ya impanolo lawas mampipilalek tan akaparaan a manaral.

Probirbio 18:15 Iomraidhean Croise

1 Saray Arari 3:9

Kanyan itdan mo ak pay kakabatan a nakaukolan kod matonung a panoley ed saray totoom tan pakaamta na pandomaan na maung tan maoges. Ta no andi, panon kon naoleyan ira yan matalonggaring a totoom?

Say Libro nen Job 8:10

Balet abuloyan mon ibangat ka na saray makabat a totoo nen saman a panaon; dengel kad ibabaga ra,

Probirbio 1:5

Sarayan probirbio nayarian da ya anggan aruman so pakatalus da ray makabat lan totoo, tan nayarian dan iwanwan iray walay aral,

Probirbio 10:14

Saray totoon makabat gagawaen day anggaay nayarian da ya arumay pakaamta, balet no saray makulang-kulang so mansalita, asingsingger a golo lay niwala.

Probirbio 15:14

Saray totoon ikakana ray olo ra labay day manaral, balet saray makulang-kulang maliket la ra, anggan anggapoy amta ra.

Probirbio 15:31

Makabat ka no ondengel kad maung a simbawa.

Probirbio 23:23

Say katwaan, say kakabatan, say bilin, tan say pakatalus et manepeg iran panggastosan; mabmabli ra kanyan ag mo ra ilalako.

Probirbio 4:5

Anap mo so kakabatan tan say pakatalus! Ag mo lilingwanan o ipopolisay iray ibabagak.

Probirbio 4:7

Say sankamanonaan a nayarin gawaen mo et say pananap moy kakabatan. Gawam so anggaay nayarian mo a mananap na pakatalus.

Probirbio 9:9

Say antokaman ya ibagam ed toon makabat pagmaliwen ton lalon makabat. Say antokaman ya ibagam ed toon matonung aruman toy pakaamta to.

Lucas 10:39

tan walay agi ton manngaray Maria. Si Maria inyorung tod saliyan na Katawan tan dinmengel ed saray bangat to.

TAGA-EFESO 1:17

tan kekerewen kod mapagalang tan makapanyarin Ama a Dios na Katawan tin Jesus-Cristo, ya itdan to kayo komuy Ispiritu. Sikatoy mangiter ed sikayoy kakabatan, tan ipaamta tod sikayoy Dios, pian nakabatan yo.

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.