Probirbio 17:11 - Maung a Balita Biblia

¹¹ Singa maruksan manangibalita so isabi na patey ed saray totoon maoges a naynay a manangigapo na golo.

Maung A Balita Biblia

¹¹ Singa maruksan manangibalita so isabi na patey ed saray totoon maoges a naynay a manangigapo na golo.

Probirbio 17:11 Iomraidhean Croise

2 Samuel 15:12

Nen mangibabagat si Absalom, angibakid baley na Gilo na mangawit ed kinen Ahitofel a sakey ed saray managsimbawa nen Ari David. Binmiskeg so komplut a sumpad ari, tan dinmakel iray akiolup ed kinen Absalom.

2 Samuel 18:15

Insan samploran sondalo nen Joab so inmasingger tan nilaos dan pinatey.

2 Samuel 18:19

Insan inkuanen Ahimaaz ya anak nen Sadoc ed kinen Joab, Iyabuloy mo pan ombatik ak ed ari, ta ibagak ed sikatoy maung a balita ya inyagel na Katawan ed saray kalaban to.

2 Samuel 20:1

Nibanan wadman ed Gilgal so sakey a toon andi-kakanaan a si Seba a lakin anak nen Bicri, tan kabyangan na tribu nen Benjamin. Pinaknul toy trumpita tan ineyag to, Anggapoy pibabali mid kinen David ya anak nen Jesse. Ag kami ontombuk ed sikato! Lalakin taga Israel, onsempet ti la!

2 Samuel 20:22

Linmad saray totoo ed siudad tan tinanggoyur to ra, kanyan pinotut day olo nen Seba, insan da imbontuk ed kinen Joab diad biek na padir. Pinaknul toy trumpita a pamataynan tod saray totoo to, kanyan manlapud siudad sinmempet la ra. Pinmawil ed Jerusalem si Joab, insan linmad ari.

1 Saray Arari 2:31

Gawam so imbaga nen Joab, ebat nen Solomon. Patey mo tan ipompon mo. Diad satan anggapo lay ebatan ko tan siopaman nin kabyangay boleg nen David, lapud samay ginawa nen Joab nen pinatey to ray totoon anggapoy kasalanan.

1 Saray Arari 2:46

Insan ingganggan na ari si Benaya; linmay Benaya tan pinatey toy Simei. Kanyan maligen la natan so panaari nen Solomon.

Probirbio 17:10

Say toon walay pakatalus, dakel niy naaral to ed sakey a pasnuk nen say naaral na toon makulang-kulang ed sanlasus a lewet.

Probirbio 17:12

Magmaung niy makasabat na uson imbatik da ray anak to nen say makasabat na toon makulang-kulang a walay getma ton maoges a gawaen.

Probirbio 24:21

Anak ko, igalang moy Katawan tan pagalangan moy ari. Ag ka mibabalid saray totoon onlalaban ed sikara.

Mateo 21:41

Inmebat ira, Andi-saew a papatey to ra man a totoon maoges, insan to ipaabang imay kaubasan tod saray arum a mangiter na apag to no nasabiy panagborbor.

Mateo 22:7

Mapalaloy pasnuk to may ari. Imbaki to ray sondalo to tan pinatey da met iray amatey ed saramay aripen, insan da pinoolay siudad da.

Lucas 19:27

Tan nipaakar ed saramay kalaban ko ya ag da ak labay a manarid sikara: iyakar yo ra dia tan patey yo rad arap ko!