Probirbio 16:5 - Maung a Balita Biblia

⁵ Kabosul na Katawan ya amin iray mapaatagey; ag to abuloyan a paliisan day dusa.

Maung A Balita Biblia

⁵ Kabosul na Katawan ya amin iray mapaatagey; ag to abuloyan a paliisan day dusa.

Probirbio 16:5 Iomraidhean Croise

Say Libro nen Job 40:12

On, nengneng mo ra tan itumbam ira; igatin mo ray maoges a totoo ed kawalaan da.

Exodo 20:7

Ag mo ikakanad maoges iran getma so ngaran ko a Yahweh a Dios mo, ta dusaen koy siopaman a mangikanad ngaran ko diad andi-kakanaan a pamaakaran.

Probirbio 11:21

Andi-saew a nadusa iray totoon maoges, balet makapaliis iray totoon matonung.

Probirbio 16:4

Amin a ginawa na Katawan walay pansumpalan da; et saray totoon maoges deral so kasumpalan da.

Probirbio 16:6

Magmaliw kan matoor tan maonur, et pirdonaen na Dios so kasalanan mo. Pagalangan moy Katawan, et anggapoy maoges a nagawad sika.

Probirbio 6:29

Onya so nagawa no miakdul so sakey a laki ed asawa na arum a laki. Nadusa so siopaman a manggawa ed saya.

Probirbio 8:13

Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Isaias 2:12

Diad satan met ya agew say Katawan a Makapanyarin-amin et ipelag tod kababaingan ya amin iray totoon makapanyari, mapaatagey tan mapasirayew.

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

Jeremias 13:15

Totood Israel, nansalita so Katawan! Mampaabeba kayo tan dengel kayod sikato.

Santiago 4:6

Balet lalon matalonggaring so tulong ya inter na Dios. Onung na ibabagay Masanton Sulat, Say Dios susumpaen to ray mapaatagey, balet tutulongan to ray mapaabeba.