Probirbio 16:22 - Maung a Balita Biblia

²² Say kakabatan sakey a sobul na bilay na saray makabat; balet darak na panaon labat so pangibangat ed saray totoon makulang-kulang.

Maung A Balita Biblia

²² Say kakabatan sakey a sobul na bilay na saray makabat; balet darak na panaon labat so pangibangat ed saray totoon makulang-kulang.

Probirbio 16:22 Iomraidhean Croise

Probirbio 10:11

Saray salita na toon matunong et sobul na bilay, balet saray salita na toon maoges iyaamut day maruksan inkatoo.

Probirbio 13:14

Sobul na bilay iray bangat da ray totoon makabat; ibaan da kan ompaliis no wala kad kaatapay patey.

Probirbio 14:27

Labay mon napaliisay patey? Say panangigalang ed Katawan et sobul na bilay.

Probirbio 15:2

No mansalita ray makabat a totoo, parakepen day pakatalus, balet andi-kabaliksan so lalabiren da ray makulang-kulang.

Probirbio 15:28

Saray maung a totoo mannununot ira kasakbayan iran onebat. Saray totoon maoges bengat-bengat iran onebat, balet panlalapwan ya na golo.

Probirbio 16:21

Amta so toon makabat lapud pakatalus to. No lalon marakep iray salita to, sikatoy lalon makaayayat.

Probirbio 16:23

Saray totoon makabat mannununot ira kasakbayan a mansalita ra; say ibaga rad satan et lalon makaayat.

Probirbio 18:4

Saray salita na too nayarin sakey a sobul na kakabatan, aralem a singa dayat, tan tariwan singa managagos a danum.

Probirbio 18:7

No mansalita so makulang-kulang, dederalen toy sikaton dili, nanaerel ed patit na saray dilin salita to.

Probirbio 3:22

Itdan da ka na bilaybilay a makaroyroyo tan maliket.

Mateo 15:14

Paolyan yo ra labat. Bulag iran manangiwanwan; et no itabin na bulag so kapara ton bulag, napelag iran duad banawang.

Juan 5:24

Ibabagak ed sikayoy katwaan a siopamay ondengel ed salitak tan manisiad samay angibakid siak, walay bilay ton andi-anggaan; ag la nasintinsiaay dusa, lapud nilabasan to lay patey tan linmoob lad bilay.

Juan 6:63

Say Ispiritu so mangiiter na bilay; ag ya nagawaay too. Ispiritu tan bilay iray sinalitak ed sikayo.

Juan 6:68

Inmebat si Simon Pedro, Katawan, siopay laen mi ni? Walad sika ray salitan mangiiter na bilay ya andi-anggaan.