Probirbio 16:2 - Maung a Balita Biblia

² Nayarin abaloan mo a maptek ya amin so gagawaen mo, balet say Katawan sisintinsiaan to ray gagalam.

Maung A Balita Biblia

² Nayarin abaloan mo a maptek ya amin so gagawaen mo, balet say Katawan sisintinsiaan to ray gagalam.

Probirbio 16:2 Iomraidhean Croise

Saray Salmo 36:2

Lapud atagey a tuloy so pangipapasen tod sikaton dili, abaloan ton say kasalanan to et ag la naamtaay Dios tan ag to la pakadusaan.

Probirbio 12:15

Saray totoon makulang-kulang abaloan dan maptek lawas so gagawaen da. Saray makabat a totoo onderengel irad simbawa.

Probirbio 16:25

Say dalan ya abaloan mon duga et nayarin mamaarap ed patey.

Probirbio 17:3

Say balituk tan say pilak susuboken na apoy, tan say puso na too susuboken na Katawan.

Probirbio 21:2

Nayarin abaloan mon maptek iray gagawaen mo, balet nunot mo a sisimbangen na Katawan iray getmam.

Probirbio 24:12

Nayarin ibagam ya anggapoy pibabalim, balet amta na Dios iray getmam tan simbangen to ra. Say Dios a mamabantay ed sika amta toy peteg a nagagawa. Tumangan to ka onung ed gagawaen mo.

Probirbio 30:12

Wala ray totoon ipapasen dan malinis so kabibilay da, balet diad tuay ontan lay inkarotak da.

Probirbio 5:21

Sankanengneng na Katawan ya amin iray gagawaen mo. Bambantayan to ka ed inermay laen mo.

Isaias 26:7

Katawan, pararakepen moy dalan da ray totoon matonung; palanas so dadalanen da.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.

Daniel 5:27

say Tekel et belat, ta asimbang so belat mo, nalmoan a kulang so belat mo;

Saray Bilang 22:32

Inkuanto may anghil, Akin et amitlom a pinekpek yay asnom? Linma ak diad mamaat na kurang mo, lapud ag ka nepeg a mila.

Lucas 16:15

Inkuanen Jesus ed sikara, Mansimpisimpitan kayod arap na totoo, balet amtay Dios so kipapasen da ray puso yo. Ta say ipapasen a makanakana na too, anggapoy kana tod Dios.

Puyan 2:18

Isulat mod anghil na iglisiad Tiatira: Sikato yay ibabagay Anak na Dios a saray mata to et mandarlang a singa apoy, tan saray sali to et singa pinasileng a gansa.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Saray Huis 17:6

Anggapod saman a panaon so ari na Israel; ginawa na balang too so labay ton gawaen.

Saray Huis 7:6

Walay talon lasus a lalaki ya angalaos na danum ed daklap da, insan da dinildilan; amin da ray arum et tinmalimukor iran inminom.

1 Samuel 16:7

Balet inkuan na Katawan ed sikato, Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.

1 Samuel 2:3

Itonda yo lay makmaknul a panagpasirayew yo; ag ki la mampapasirayew ed saray panagsalita yo. Ta say Katwan et sakey a Dios a makapikabat ed amin, tan sintinsiaan toy amin a gawgawa na katoowan.