Probirbio 15:11 - Maung a Balita Biblia

¹¹ Amta na Katawan so anggan walad pasen a panaayaman da ray inaatey; panon sirin ya iyamut na too ed Dios iray kanunotan to.

Maung A Balita Biblia

¹¹ Amta na Katawan so anggan walad pasen a panaayaman da ray inaatey; panon sirin ya iyamut na too ed Dios iray kanunotan to.

Probirbio 15:11 Iomraidhean Croise

2 Saray Awaran 6:30

dengel mo pa ray pikakasi ra. Ditad ayaman mod tawen dengel mo pa ra tan pirdonam ira. Sika labat so makaamta ed kanunotan na balang sakey a too. Iter mo pad balang sakey so kanepegan ton awaten,

Say Libro nen Job 26:6

Sankanengneng na Dios so pasen a panaayaman da ray inaatey; anggapoy makasanib ed mata to.

Saray Salmo 139:8

No onla ak ed tawen, wadman ka; no ondakul ak ed pasen a panaayaman da ray inaatey, wadman ka.

Saray Salmo 44:21

naamtaan mo la komun, ta kabat mo ray maamut a nunot mi.

Saray Salmo 7:9

Matonung kan Dios tan sisintinsiaan moy kanunotan tan pilalek mi. Patondam pay kaogsan da ray totoon maoges tan tumangan mo pa ray maung a totoo.

Probirbio 15:10

No aliwa so gawaen mo mapalaloy kadusam; ompatey ka no ag mo labay so papetek.

Probirbio 17:3

Say balituk tan say pilak susuboken na apoy, tan say puso na too susuboken na Katawan.

Probirbio 27:20

Saray pilalek na too et ag iran balut napepenek a singa say pasen a panaayaman da ray inaatey.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.

Juan 21:17

Pinitlo nen Jesus a tinepet, Simon ya anak nen Juan, inaro mo ak? Naermenay Pedro ta pinitlo nen Jesus a tinepet, Inaro mo ak? Kanyan kuantod kinen Jesus, Katawan, amtam iray amin a bengatla; amtam ya inaro ta ka! Inkuanen Jesus ed sikato, Asikasom iray karnirok.

Saray Gawgawa 1:24

Insan ira nampikasi, Katawan, kabat moy walad puso na balang sakey. Ipanengneng mo pad sikami no siopay pinilim ed sarayan dua

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

Puyan 1:18

Siak so mabilay! Inatey ak balet, nengneng mo, mabilay ak ya anggad angga. Walad silong na pakayarik so patey tan say Hadis.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Puyan 9:11

Walay ari ran manooley ed sikara, a sikatoy anghil a mambabantay na ag natokur ya abut. Abadon so ngaran tod salitay Hebreo, Apolion ed salitay Grigo, tan Managderal so kabaliksan to.

1 Samuel 16:7

Balet inkuan na Katawan ed sikato, Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.