Probirbio 13:19 - Maung a Balita Biblia

¹⁹ Agaylay gayagay pusom no nagamuran moy pilalek mo! Saray totoon makulang-kulang ag da labay ya ikbanay kaogsan.

Maung A Balita Biblia

¹⁹ Agaylay gayagay pusom no nagamuran moy pilalek mo! Saray totoon makulang-kulang ag da labay ya ikbanay kaogsan.

Probirbio 13:19 Iomraidhean Croise

1 Saray Arari 1:48

tan kuanto, Idayew tayoy Katawan a Dios na Israel, ta diad sayan agew ginawa toy sakey ed saray kabyangay pamilyak a manarin onsalat ed siak, tan inyabuloy ton anengneng ko nin agawa ya!

Say Libro nen Job 28:28

Inkuan na Dios ed too, Magmaliw kan makabat no takotan moy Katawan, Nawalaan kay pakatalus no ibatikan moy kaogsan.

Saray Salmo 34:14

Arawian yoy kaogsan tan manggawa kayoy kamaungan; pampilalekan yod intiron puso so kareenan.

Saray Salmo 37:27

Arawian moy kaogsan tan manggawa kay kamaungan, et mansiansian mambilay ed dalin iray kabyangay boleg mo;

Probirbio 13:12

Say ilalon mabayag ya aalagden pakakapoyen toy liknaan, balet say pilalek ya agamuran pagagayagaen to ka.

Probirbio 13:18

Magmaliw a mairap-bilay tan napelag ed kababaingan so toon ag onderengel ed bilin. Napapagalangan so toon ontotoluk ed panametek.

Probirbio 13:20

Miolup kad saray makabat et magmaliw kan makabat. No mikaarod kad saray makulang-kulang naderal ka.

Probirbio 16:17

Dalan ya anggapoy kaogsan so pankukurangan da ray totoon maung a totoo; kanyan nengneng moy lalaen mo, ta nayarin ilaban toy bilay mo.

Probirbio 16:6

Magmaliw kan matoor tan maonur, et pirdonaen na Dios so kasalanan mo. Pagalangan moy Katawan, et anggapoy maoges a nagawad sika.

Probirbio 29:10

Kabosul na saray managpatey na too so toon maptek so panagbilay to, balet saray matonung iyagel day bilay to.

Probirbio 29:27

Say toon matonung kabosul toy toon maoges, tan say toon maoges kabosul toy toon matonung.

Probirbio 3:7

Ag mon balut ipapasen a makabat ka nen say peteg a kakabatan mo; takotan moy Katawan, tan ag ka mangagaway kaogsan.

Kanta nen Solomon 3:4

Kataynan kod arapan da, arumog koy inarok. Binembenan ko tan ag ko inikbanan ya anggad niyakar kod abung nen inak, tan pinaloob kod kuarton nianakan ko.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: Kabat na Katawan no siopa ray kayaryan to; tan, Nepeg ya onarawid kaogsan so siopaman ya ontawag ed Katawan.