Probirbio 10:22 - Maung a Balita Biblia

²² Say bindision na Katawan so mamapayaman ed sika. Say pinasyan kimey ag to ka napayaman.

Maung A Balita Biblia

²² Say bindision na Katawan so mamapayaman ed sika. Say pinasyan kimey ag to ka napayaman.

Probirbio 10:22 Iomraidhean Croise

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Genesis 13:2

Mayamyaman lay Abram, ta amayamay la ray karniro, kanding, baka, pilak tan balituk to.

Genesis 14:23

ya ag kon balut mangala na antokaman a kayaryan mo, anggan tinebey o sakey a bariber na sandalya. Ag mon balut nibagad satan, Siak so nampayaman ed Abram.

Genesis 24:35

Binindisionan a maung na Katawan so amok tan ginawa ton mayaman. Initdan toy amayamay a karniro, kanding, baka, pilak, balituk, lalaki tan bibiin aripen, kamilyo, tan asno.

Genesis 26:12

Tinaneman nen Isaac iman a dalin, tan diad saman a taon akaani na maminlasus a kinarakel ed samay intanem to, lapud binindisionan na Katawan.

Genesis 26:13

Anggapoy tonda na inaligwas to tan nagmaliw a mayamyaman.

1 Saray Arari 21:19

Ibagam ed sikato a siak, say Katawan, kuankod sikato, Anta pinatey mo la may too, alaen mo ni lamet so kayaryan to? Ibagam ed sikaton onyay kuanko, Dildilan na saray aso so dalam ed pasen a nandildilan na saray aso ed dala nen Nabot!

1 Saray Awaran 4:10

Nampikasiy Jabes ed Dios na Israel, Bindisionan mo ak pa, O Dios, tan itdan mo ak pay maawang a dalin. Ibaan mo ak pa tan iyagel mo ak ed maoges pian ag ak napasakitan. Et inter na Dios iray kinerew to.

2 Saray Awaran 25:9

Tinepet nen Amasias ed samay propita, Antoy gawaen kod samay imbayar kon pilak ed sikara? Inmebat imay propita, Nayarian na Dios ya ipawil ed sika so masoluk ni nen say saman!

2 Saray Awaran 32:27

Nagmaliw a mayamyaman si Ezekias, tan igagalang na balang sakey a too. Nanggawa na saray kuarton panagsinupan na saray balituk, pilak, mabmabli ran bato, rikado, samper tan saray arum ni ran mabmablin kayaryan to.

2 Saray Awaran 32:29

Likud nid saraya, say Dios initdan to na saray karniro tan saray baka tan ontan lan karakel na arum nin kayamanan, kanyan angipaalagey na amayamay a siudad.

Saray Salmo 107:38

Binindisionan to ray totoo to et nanaanak iray amayamay; ag to inabuloyan ya ondaiset iray baka ra.

Saray Salmo 127:2

Anggapoy kana na pamasyay panaanap na pambilay, ya onogip na atrasado tan ombangoy masakbay. Ta iiter na Katawan so nakaukolan da ray aaroen to, legan a naogip ira.

Saray Salmo 37:22

Ta saray binindisionay Katawan et nakayaryan day dalin, balet napagit iray insamba to.

Probirbio 14:24

Kayamanan so tumang na saray makabat a totoo, balet nanaamtaan iray makulang-kulang, lapud inkakulang-kulang da.

Probirbio 20:21

No mainomay mo ya apasegep so kayamanan mo, daiset so iter tod sikan kamaungan.

Probirbio 28:22

Saray totoon masiblet maganat ira ya onyaman, kanyan ag da amta no ngalngali la onirap so bilay da.

Probirbio 8:21

iitdan koy kayamanan iray mangaarod siak, papanoen ko na saray kayamanan iray kaabungan da.

Daniel 1:15

Kalabas na samploran agew, maung niy impanlaman da tan mabiskeg ni ra nen saray arum a mangakan na taganon manlalapud palasio.

Zacarias 5:4

Ibabaga na Katawan a Makapanyarin-amin ya ibaki to yan samba tan onloob ed abung na balang matakew tan diad abung na balang toon mansasamba ed pantitila to. Mansiansia ed kaabungan da tan taynan to ran aderalderal.

Deuteronomio 26:10

Kanyan natan iyakar kod Katawan so sayan ononan naani ya inter tod siak. Insan iyepas yon ilira ed arap na Katawan imay baskit tan mangigalang kayod man.

Deuteronomio 28:11

Say Katawan itdan to kayo na amayamay ya anak, amayamay a baka, tan daakan a bunga na saray tanaman diad dalin ya insipan tod saray lalaki yo ya iter tod sikayo.

Josue 6:18

Balet ag kayo mangaala na antokaman a nepeg a deralen; no mangala kayo, ondalan so gunigon tan deral ed kampo na Israel.