Probirbio 10:17 - Maung a Balita Biblia

¹⁷ Mambilay iray totoon ondengel no pepeteken ira, balet walad kaatapan iray totoon ag da birbiren so kalilingo ra.

Maung A Balita Biblia

¹⁷ Mambilay iray totoon ondengel no pepeteken ira, balet walad kaatapan iray totoon ag da birbiren so kalilingo ra.

Probirbio 10:17 Iomraidhean Croise

2 Saray Awaran 25:16

Tinepet nen Amasias, Kapigan lay impanggawa mid sikan sumisimbawa na ari? Tonda ka lan mansalita, ta no andi papatey ta ka! Tinmonda may propita kayari ton inkuan, Amtak la natan a ginetma lay Dios a deralen to ka, lapud ginawam ira yan amin tan ag mo dinengel so simbawak.

Probirbio 1:30

Ag yon balut dinengel so simbawak odino inasikasoy panametek ko.

Probirbio 12:1

Say toon pinabli toy pakaamta labay ton naamtaay kalilingo to, balet say toon makulang-kulang bobosulen toy panametek.

Probirbio 15:10

No aliwa so gawaen mo mapalaloy kadusam; ompatey ka no ag mo labay so papetek.

Probirbio 15:32

No ag mo labay so manaral, sisibletan moy sikan dili. No awaten moy maung a simbawa naaromay kakabatan to.

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Probirbio 3:18

Maliket iray totoon magmamaliw a makabat; say kakabatan itdan to ra na bilay.

Probirbio 4:13

Nunot mo lawas so naaral mo. Say aral mo sikatoy bilay mosimpitan mon maung.

Probirbio 4:4

binabangatan ak nen amak. Inkuanda, Nunot mo ray ibabagak tan ag mo ra lilingwanan. Onur mo ray ganggan ko, et mambilay ka.

Probirbio 5:12

Ikuan ed satan na sinansakey ed sikayo, Akin et ag ak balut akaaral? Akin et ag ko inabuloyan a peteken ak na siopaman?

Probirbio 5:14

Ag abayag, naplag ak ed kababaingan diad arap da ray katoowan.

Probirbio 6:23

Saray bilin da singa ra liwaway silew; say panametek da ibangat da ka no panoy pambilay mo.

Ecclesiastes 5:6

Ag mo aabuloyan ya ipelag kad kasalanan na saray salitam, pian ag ka la onlan mangibagad pari ya ag mo ginagalay nankasalanan. Akin et labay mon makapasnuk so Dios ed sika? Akin et labay mon deralen na Dios iray nansagputan mo.

Lucas 11:28

Balet inmebat si Jesus, Lalo ni ingen a maliket iray ondedengel ed salitay Dios tan oonuren da!

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

Saray Hebreo 2:1

Kanyan nepeg tayon bembenan na malet iray katwaan a nadngel tayo, pian ag itayo nabalang.

Saray Huis 19:17

Naimano na samay masiken imay mambibiahi a walad plasa, et tinepet tod sikato, Nanlapwan yo? Iner so laen yo?