Mateo 8:12 - Maung a Balita Biblia

¹² Balet saray nepeg day walad Panarian et nibantak irad paway ya ambilbilonget, tan diman ira onakis tan onngayet iray ngipen da.

Maung A Balita Biblia

¹² Balet saray nepeg day walad Panarian et nibantak irad paway ya ambilbilonget, tan diman ira onakis tan onngayet iray ngipen da.”

Mateo 8:12 Iomraidhean Croise

Saray Salmo 112:10

Nanengneng ya na saray totoon maoges et makapasnuk; manngilet ira tan naandipat la ra; nakal lan anggad angga so ilalo ra.

Isaias 65:14

Mankanta rad liket, balet manakis kayo lapud sakit na pagew.

Mateo 13:38

samay alog a nampasekan to, say mundo; saramay maung a bokel, saray totoon nepeg day walad Panarian; saramay dika, saray totoon nepeg day walad Panarian to may Maoges;

Mateo 13:42

Insan da ra ibantak ed manliub ya apoy a diman ira manakis tan manngayet.

Mateo 13:50

Ibantak da ray maoges ed manliub ya apoy tan diman ira manakis tan manngayet.

Mateo 21:43

Kanyan kuankod sikayo: naekal ed sikayoy Panariay Dios tan niiter ed saray totoon mamapaway na manepeg iran bunga.

Mateo 24:51

Dusaen a maung na amo to tan ipila tod kawalaan da ray mansimpisimpitan a totoo. Onnangis diman tan onngalatenget iray ngipen to.

Mateo 25:30

Nipaakar ed sayan anggapoy kanan aripen, ibantak yod kabilongetan ed paway. Diman onnangis tan onngalatenget iray ngipen to.

Lucas 13:28

Agaylad satay pannangis tan panngalatenget na ngipen yo no nanengneng yo ra di Abraham, Isaac, Jacob tan amin da ray propita a wala rad Panariay Dios et nibantak kayo balet ed paway!

Saray Gawgawa 3:25

Para sikayo ray insipan na Dios diad panamegley da ray propita, tan mibibiang ki met ed sipanan a ginaway Dios tan saray lalaki yo. Onung na inkuay Dios ed kinen Abraham, Bindisionan koy amin a katoowad mundo diad panamegley na saray kabyangay boleg mo!

Saray Taga Roma 9:4

Israelita ra tan pinili na Dios iran totoo to. Ginawa to ran anak to tan impinabang to rad kagalangan to. Akisipanan ya amimpiga so Dios ed sikara tan inter tod sikaray Ganggan. Walad sikaray matwan panagdayew ed Dios, tan inawat da ray sipan na Dios.

2 Pedro 2:17

Say kapara na sarayan tila-tilan bumabangat et saray sobul a nakatan tan lorem ya impalig na bagyo. Say Dios imparaanan to la ra na sankabilongetan a pasen.

2 Pedro 2:4

Ag pinirdonay Dios iray anghil a nankasalanan; imbantak to ra ingen ed impirno tan diman ira akolung ed ambilonget ya abut legan dan aalagdey Agew na Okum.

Judas 1:13

Singa ra ankakabaleg a daluyon ed dayat a saray makapabaing a gawa so bora ra. Singa ra abalbalang a bitewen a nigana rad anggad anggan sankabilongetan a pasen.

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.

1 Samuel 2:9

Iyagel toy bilay da ray totoo ton matoor, balet naandipat ed kabilongetan iray totoon maoges; ag manalo so too lapud biskeg ton dili.