Mateo 3:7 - Maung a Balita Biblia

⁷ Nen anengneng to ray amayamay a Pariseo tan Saduseo ya ondadagod sikaton mampabinyag, inkuantod sikara, Sikayon apoliyay oleg! Siopay angibagad sikayon naliktaran yoy sanuk na Dios ya asingsingger lan onsabi?

Maung A Balita Biblia

⁷ Nen anengneng to ray amayamay a Pariseo tan Saduseo ya ondadagod sikaton mampabinyag, inkuantod sikara, “Sikayon apoliyay oleg! Siopay angibagad sikayon naliktaran yoy sanuk na Dios ya asingsingger lan onsabi?

Mateo 3:7 Iomraidhean Croise

Genesis 3:15

Pambosulan ta ka tan samay bii; mambosulan lawas so anak mo tan say anak to. Temeken na anak to so olom tan ketketen mo so mokur da.

Probirbio 28:4

No ag mo onuren so ganggan migagampi kad saray totoon maoges, balet no onuren mo kalaban mo ra.

Isaias 59:5

Aliling day iknul na nanditan oleg iray maoges a pankokomplut yo. Ompatey so mangan na iknul, ta no teraken mo oleg so ompaway! Anggapoy kaabigan a niiter ed sikayo na saray pankokomplut yosinga ra andi-kakanaan a kawes a ginawad linat na genggeng!

Jeremias 51:6

Ibatikan yoy Babilonia! Batik kayo diad pangilaban yod bilay yo! Ag kayo papapatey, lapud kasalanan na Babilonia. Ombabawi ak la natan tan dudusaen ko onung na kanepegan to.

Jeremias 6:10

Inmebat ak, Siopay ondengel ed siak, no misalita ak ed sikara tan pasakbayan ko ra? Pinepepetan da ray kalayagan da, tan ag ira ondengel ed saray salitam. Elek-elekan da labat so paibabagam ed siak.

Mateo 12:24

Balet nen nadngel ya na saray Pariseo inkuanda, Napapaekal to ray dimonyo lapud si Beelzebul a prinsipi na saray dimonyo et initdan toy pakayari.

Mateo 12:34

Apoliyan kayon talagay oleg! Panon kayon makapansalitay maung no maoges kayo? Ta manlapud puso so ibalikas na sangi!

Mateo 15:12

Linma ray disipulo ed sikato tan kuanda, Amtam ya apasakitan mo ray Pariseo lapud samay imbagam?

Mateo 16:1

Wala ray Pariseo tan Saduseo a sinmingger ed kinen Jesus. Labay dan suboken kanyan kinerew dan manggaway sakey a milagron manlapud tawen.

Mateo 16:6

Inkuanen Jesus ed sikara, Manalwar kayod libadura na saray Pariseo tan saray Saduseo.

Mateo 22:15

Tinmaynan iray Pariseo tan nantotongtongan da no panoy pangerel dad kinen Jesus, diad panamegley na pantepet da.

Mateo 22:23

Diad saman lamlamang ya agew, wala ray Saduseo a linmad kinen Jesus. (Sikara yay mangibabagan ag onolid bilay iray inaatey.)

Mateo 22:34

Nen nadngelan na saray Pariseo ya ag pinaesel nen Jesus iray Saduseo, nantitipon ira.

Mateo 23:33

Ooleg tan anak na ooleg kayo! Panon yon naliktaray dusa ed impirno?

Mateo 5:20

Ipurek kod sikayo: no say panumpal yoy linaway Dios et ag ontalona ed panusumpal da ray iskriba tan saray Pariseo, ag kayon balut makaloob ed Panariay tawen.

Marcos 12:13

Wala ray pigaran Pariseo tan pigaran totoo nen Herodes ya imbaki da ran mangerel ed kinen Jesus diad panamegley na pantepet da.

Marcos 12:18

Wala ray Saduseo a linmad kinen Jesus. (Sikara yay mangibabagan ag onolid bilay iray inaatey.) Inkuandad kinen Jesus.

Marcos 8:15

Binilin nen Jesus iray disipulo to, Manasikaso kayo! Alwaran yoy libadura na saray Pariseo tan say libadura nen Herodes.

Lucas 16:14

Nadngelan na saray Pariseo ira yan amin, et nilemlemew day Jesus ta maagum irad kuarta.

Lucas 18:11

Samay Pariseo binmiig tan nanalagey a mampikasi, Misalamat ak ed sika, O Dios, ta aliwa ak a singa saray arum a totoon maagum, masaol, tan mikakaloguran. Misalamat ak, ta aliwa ak a singa saman a sumisingil na buis.

Lucas 7:30

Balet ag sinumpal na saray Pariseo tan saray iskriba so linaway Dios para sikara, ta ag ira nampabinyag ed kinen Juan.

Juan 1:24

Saray Pariseo so angibakid saramay nantepet.

Juan 8:44

Say Diablo so ama yo, kanyan labay yon gawaen iray pilalek na ama yo. Sikatoy managpatey na too nanlapu lad gapo. Sumlang ed katwaan lawas, lapud anggapoy katwaan ed sikato. Ogali toy mantila, lapud sikatoy matila tan sikatoy ama na panagtila.

Juan 9:40

Nadngel na pigaran Pariseo si Jesus nen imbaga to ya, kanyan tinepet dad sikato, Say labay mon ibaga, bulag kami met sirin?

Saray Gawgawa 15:5

Balet wala ray pigaran mananisia a kabyangan na saray Pariseo ya inmalagey tan inkuanda, Nakaukolan a tandaay segat iray Hintil a mananisia, tan bilinen ira ya onuren day Ganggan nen Moises.

Saray Gawgawa 20:31

Kanyan manalwar kayo, tan ag yo lilingwanan a diad loob na taloy taon, labi may agew, andi-tondan binabangatan koy balang sakey ed sikayo, tan amayamay a lua so tinmeterter ed saray matak lapud saya.

Saray Gawgawa 26:5

Kabat da lan nanlapud gapo, tan napaneknekan da no labay da, a nambilay ak a sakey a kabyangan na sankapegetan a moyungan na rilihion mi, say moyungan da ray Pariseo.

Saray Gawgawa 5:17

Say Pangulon Pari tan saray kakaiba to a kabyangan iray Saduseo agaylay pangimon dad saray apostol, kanyan nantotongtong ira no antoy gawaen da.

Saray Taga Roma 1:18

Ta nipaamta a manlapud tawen so sanuk na Dios ed amin a kasalanan tan kaogsan da ray totoon mamapaer na pangipakabat na katwaan, lapud kaogsan da.

Saray Taga Roma 5:9

Tan natan ta apaandi la ray kasalanan tayo diad panamegley na dala nen Cristo, lalo sirin ya ilaban to itayod pasnuk na Dios.

1 TESALONICA 1:10

Tan natan aalagaren yo ya onsabi a manlapud tawen so Anak to, a si Jesus a pinaoli tod bilay, tan sayan Jesus so mangilalaban ed sikatayo ed onsabin pasnuk na Dios.

Saray Hebreo 11:7

Lapud pananisia, dinengel nen Noe so pasakbay na Dios nipaakar ed saray nagawan ag to ni nanengneng. Tinmoluk ed Dios; nanggaway sakey a biong, pian nilaban tan say pamilya to. Lapud saya, sinintinsiaan ton nadusay sankamundoan, tan say Dios impasen ton matonung si Noe lapud pananisia to.

Saray Hebreo 6:18

Kanyan say sipan tan say samba to et ag ira mangoman, tan ag makapantilay Dios nipaakar ed saraya. Sikatayo sirin a sinmaral ed sikato et mabiskeg so linawa tayo a manilalod insipan tod sikatayo.

1 Juan 3:10

Say pandomaan na saray anak na Dios tan saray anak na Diablo et saya: siopamay ag manggagaway katonungan o ag to aaroey agi to, sikatoy aliwan anak na Dios.