Mateo 3:4 - Maung a Balita Biblia

⁴ Bagoy kamilyo so kawes nen Juan, tan katat so balkes to. Dorun tan dilo so impambilay to.

Maung A Balita Biblia

⁴ Bagoy kamilyo so kawes nen Juan, tan katat so balkes to. Dorun tan dilo so impambilay to.

Mateo 3:4 Iomraidhean Croise

2 Saray Arari 1:8

Akakawes na katat na ayep tan akabalkes met na katat, ebat da. Si Elias iman! inkuan na ari.

Isaias 20:2

Taloy taon kasakbayan na sayan agawa, imbaga na Katawan ed kinen Isaias a lakin anak nen Amoz ya ekalen to ray sandalya to tan say insolung ton sako. Inmonur si Isaias tan nanliber-liber a kasali-sali tan labus-lakseb.

Levitico 11:22

Nayarian yoy mangan na dorun, dalokduk, odino wirwir.

Zacarias 13:4

No onsabiy tan a panaon, anggapoy propitan makapangikinon ed saray pasingayew to odino ompasen a singa propita odino mansolung na magasal a kawes na propita, pian mamalikdod saray totoo.

Malakias 4:5

Balet kasakbayan na isabi na baleg tan makapataktakot ya agew na Katawan, ibakik ed sikayo si propita Elias.

Mateo 11:18

Sinmabiy Juan, manaayuno tan ag oniinom na alak, balet ibabaga ra ya inaponay dimonyo.

Mateo 11:8

Anton talaga so labay yon nengnengen? Sakey a toon akakawes na marakep? Diad palasio kawalaan da ray akakawes na onya.

Marcos 1:6

Bagoy kamilyo so kawes nen Juan, tan katat so balkes to. Dorun tan dilo so impambibilay to.

Lucas 1:17

Onlan onona nen say Katawan, tan nawalan na singa pakayari tan ispiritu nen propita Elias. Papawilen toy panaarowan da ray ama tan anak. Papawilen to met ed dalan da ray matonung iray totoon bangar. Diad ontan, iparaan to ray totoo a mangawat ed Katawan.

Deuteronomio 32:13

Inabuloyan ton manoley ira ed saray atagey a pasen, tan impanbilay day bunga na saray tanaman ed kaalogan. Nanaala ray dilo ed saray sengat na saray ankakabaleg a bato; malambut a tinmobod kabatowan iray kakiewan dan oliba.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.