Mateo 24:6 - Maung a Balita Biblia

⁶ Makadngel kayo ray bakal diad asingger tan saray balitan nipaakar ed saray bakal diad arawi, balet ag kayo mapaga. Nakaukolan a nagawa ra ya, balet aliwa nin sikato yay anggaay mundo.

Maung A Balita Biblia

⁶ Makadngel kayo ray bakal diad asingger tan saray balitan nipaakar ed saray bakal diad arawi, balet ag kayo mapaga. Nakaukolan a nagawa ra ya, balet aliwa nin sikato yay anggaay mundo.

Mateo 24:6 Iomraidhean Croise

Saray Salmo 112:7

Ag antakot a makadngel na maoges a balita; mabiskeg so pananisia to, tan manmamatalek ed Katawan.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Isaias 7:4

Ibagam ed sikato a sipaparaan lawas, mansiansian mareen, tan ag ontatakot odino nagugunigon. Say pasnuk nen Ari Rezin tan saray Siriano tan say pasnuk nen Ari Peca et singa labat asewek na duaran napopoolan a bislak.

Jeremias 47:6

Oneeyag kayo, Ispada na Katawan! Kapigan ontonda so pantipas mo? Pawil ka lad kaluban mo, manayam ka lad tan a mampainawa!

Ezekiel 21:28

Sika a toon ompatey, mampropisiya ka. Ibawag mo so ibabagak, siak a Katawan a Dios, ed saray Ammonita a mamapabaing ed Israel. Ibagam ed sikara: Akaparaan lan maneral so sakey ya ispada; Apasileng a mamatey, onkidyam a singa kirmat.

Mateo 2:3

Nen nadngelan to ya nen Ari Herodes mapalaloy inkagunigon to; ontan met na amin da ray taga Jerusalem.

Mateo 24:14

Nipulong ed intiron mundo yan Maung a Balita a nipaakar ed Panariay Dios, a pamaneknek ed amin a katoowan. Kasumpal to ya, insan lad satan onsabiy kasamputan.

Mateo 26:54

Balet no ontan, panon a nasumpal so ibabagay Masanton Sulat ya onyay nagawa?

Lucas 21:19

Mananos kayo, pian nagamuran yoy tuan bilay.

Lucas 21:9

Ag kayo natatakot no nabalitaan yo ray bakabakal tan gologolo. Nakaukolan ya onona ra yan nagawa, balet aliwa nin asingger so anggaay mundo.

Lucas 22:37

Ta kuankod sikayon nepeg a nasumpal so ibabaga na Masanton Sulat nipaakar ed siak, Sikatoy nibilang a sakey a kriminal. Ta nagagawa lay nisulat a nipaakar ed siak.

Juan 14:1

Inkuanan Jesus, Ag komun nagunigon so puso yo; manisia kayod Dios tan manisia kayo met ed siak.

Juan 14:27

Itilak kod sikayoy kareenan; say kareenan kon dili so iter kod sikayo. Aliwan singa panangiter na sankamundoan so pangiter kod sikayo. Ag komun nagunigon tan ontakot so puso yo.

2 TESALONICA 2:2

ya ag komun nagogotgot a tampul so kanunotan yo tan ag kayo mapagpaga ed balitan sinmabi lay Agew na Katawan. Angangko imparles, o impulong itan na sakey a too. Nayari met angangkon ibabaga ran insulat mi.

Puyan 6:4

Pinmaway so sakey a kabayon ambalanga. Say akakabayod saya naitday pakayarin mangekal na kareenan ed dalin, pian mampapateyan iray katoowan. Naitdan met na sakey ya ispadan baleg.