Mateo 13:3 - Maung a Balita Biblia

³ Dakerakel a bengatla so sinalita nen Jesus ya imparalan ed alimbawa. Inkuanto: Walay sakey a dumaralus a linman nampasek.

Maung A Balita Biblia

³ Dakerakel a bengatla so sinalita nen Jesus ya imparalan ed alimbawa. Inkuanto: “Walay sakey a dumaralus a linman nampasek.

Mateo 13:3 Iomraidhean Croise

Saray Salmo 49:4

Salitaen koy nipaakar ed saray probirbio, tan ipaliwawak so kabaliksan da leleg kon manotogtog na arpa.

Saray Salmo 78:2

Ikanak iray salitan manangiter na kakabatan, tan ipaliwawak iray mistirio nen saman,

Ezekiel 17:2

Sika a toon ompatey, kuanto, salitam ed saray Israelita so sayan alimbawa

Ezekiel 20:49

Balet inkuanko, Katawan a Dios, ag mo pa ya pagagawa ed siak! Manririklamo lay balang sakey, lapud pansasalitak ed panamegley na saray alimbawa.

Mikias 2:4

No onsabiy tan a panaon, tongtongen na saray totoo a sakey ya alimbawa so inkaderal yo tan kantaen da yan kanta na ermen a nipaakar ed inkagawa yo: Sigput kamin aderal! Inala na Katawan so dalin mi Tan inter tod saray anakep ed sikami.

Habacuc 2:6

Saray adakep a totoo elekan da ray anakep ed sikara tan ipanengneng day pambosul dad sikara. Ikuanda, Aalaen yoy ag yo kayaryan, balet pakaskasiy kipapasen yo! Kapigay pangangga na pampapayaman yo diad pamapasoot yon mambayar iray akautang ed sikayo?

Mateo 13:4

Nen mansisibwag wala ray ilik a dinmapod gilig na dalan. Sinmabi ray manok ya atap tan tinotoktok da ra may ilik.

Mateo 13:53

Nen asumpal a sinalita nen Jesus ira yan alimbawa, tinmaynan ed saman a pasen

Mateo 22:1

Nambangat lamet si Jesus ed saray totoo ya imparalan ed alimbawa. Inkuanto,

Mateo 24:32

Aral yoy bangat a manlapud kiew ya igos. No onkolaney tan mambolung la ray sanga-sanga to, amta yon asingger lay tiagew.

Marcos 12:1

Insan nansalitay Jesus ed sikara diad panamegley na saray alimbawa. Inkuanto, Walay sakey a toon nantanem na saray ubas. Inalar to tan nanggaway panagpespesan na saray ubas. Amalagey met na atagey a panagbantayan. Impaasikaso tod saray kasamak, insan linma ed sananey a bansa.

Marcos 12:12

Sinali na saray manonan Judio ya erelen si Jesus lapud atebek dan nipaakar ed sikaray sasalitaen to ed sayan alimbawa. Balet antakot irad saray karaklan, kanyan pinaolyan da la tan tinmaynan la ra.

Marcos 3:23

Pinaasingger nen Jesus sirin iray totoo tan sinalita tod sikaray pigaran alimbawa. Inkuanto, Nayari kasin si Satanas et paekalen toy sikaton dili?

Marcos 4:13

Inkuanen Jesus ed sikara: Ag yo ta natalusan yan alimbawa? Panon sirin so pakatalus yod saray arum ni ran alimbawa ey?

Marcos 4:33

Onyay impanpupulong nen Jesus ed salitay Dios, diad panamegley na amayamay ya alimbawa. No kaonungay nayarian dan talusan, ontan met so imbabangat tod sikara.

Lucas 12:41

Tinepet nen Pedro, Katawan, sikami labat o amin a totoo so pangibabagaan mod sayan alimbawa?

Lucas 8:10

Inmebat si Jesus, Niiter ed sikayoy pakaamta ed saray maamut a bengatlan nipaakar ed Panariay Dios. Nipaamtad saray arum, balet diad panamegley na saray alimbawa, pian nengneng la ra man a nengneng, ag da nanengneng met lamlamang; tan dengel la ra man a dengel, ag da natalusan met lamlamang.

Juan 16:25

Imbagak ira yad sikayo diad panamegley na alimbawa. Balet onsabiy panaon ya ag ko la mansalitay onya, no ag ta ibagak lan malinlinew ed sikayoy nipaakar ed Ama.