Lucas 9:44 - Maung a Balita Biblia

⁴⁴ Ag yo lilingwanay ibagak ed sikayo natan! Say Anak na Too nipalima ed pakayariy totoo.

Maung A Balita Biblia

⁴⁴ “Ag yo lilingwanay ibagak ed sikayo natan! Say Anak na Too nipalima ed pakayariy totoo.”

Lucas 9:44 Iomraidhean Croise

2 Samuel 24:14

Inmebat si David, Makapasinagem so kipapasen ko! Balet ag ko labay a dusaen ak na too. Say Katawan so labay kon manusad sikami, ta mapangapangasi.

Mateo 16:21

Nanlapud saman, ginapoan ya imbaga nen Jesus a nakaukolan ya onla ed Jerusalem tan pairapen na saray mamatakken na baley, saray manonan papari, tan saray iskriba. Papatey da, balet onolid bilay diad kumatlon agew.

Mateo 26:2

Amta yo a duay agew ni, insan Pista na Paskua la. Diad satan niawat ya ipasak ed krus so Anak na Too.

Marcos 8:31

Nanlapud saman, impakabat nen Jesus ed saray disipulo to a say Anak na Too et nepeg a manirap a maung; ag awaten na saray mamatakken na baley, saray manonan papari, tan saray iskriba; papatey da ni, balet onolid bilay kasumpal na taloy agew.

Marcos 9:31

lapud ibabangat tod saray disipulo to, Niawat so Anak na Too ed lima da ray totoon mamatey ed sikato, balet onolid bilay kayariy taloy agew.

Lucas 1:66

Ninunnunot ya na amin da ray akabalita tan tinetepet da, Anto kasiy pagmaliwan to yan ogaw? Ta walad sikatoy pakayari na Katawan.

Lucas 18:31

Imbiig nen Jesus iray labinduan disipulo tan inkuantod sikara, Tandaan yo ya! Oonla tayod Jerusalem a diman nagaway amin ya insulat da ray propita nipaakar ed Anak na Too.

Lucas 2:19

Ninunnunot ira yan amin nen Maria tan inyatol to rad puso to.

Lucas 2:51

Kaiba ran pinmawil si Jesus ed Nazaret, tan matoluk ed saray atateng to. Inyatol nen ina to ra yan amin ed puso to.

Lucas 24:44

Insan inkuantod sikara, Sikara yay sinalitak ed sikayo nen kaibiba ta kayo ni. Imbagak ed sikayon nepeg a nasumpal ya amin iray nisulat nipaakar ed siak diad Ganggan nen Moises, diad saray sulat da ray propita, tan diad saray Salmo.

Lucas 9:22

Inkuanto nid sikara, Nepeg a manirap a maung so Anak na Too. Ag awaten na saray mamatakken na baley, saray manonan papari, tan saray iskriba. Papatey da, balet onolid bilay diad kumatlon agew.

Juan 16:31

Inmebat si Jesus, Manisia kayo ta la natan?

Juan 16:4

Ibabagak ira yad sikayo, pian no onsabi lay panaon na panggawa rad saraya, nanunotan yon pinasakbayan ta ki la. Ag ko ni imbaga ra yad sikayo nen inmona, lapud kaolup-olup ta kayo ni.

Juan 19:11

Inmebat si Jesus, Wala tan a pakaoley mod siak, ta inter na Dios ed sika. Kanyan lalon ambelat niy kasalanan na toon angipalimad siak ed sika.

Saray Gawgawa 2:23

Sayan Jesus ya impalimay Dios ed sikayo, onung ed linawa tan pakapikabat ton nanlapu lad gapoy gapo, nakar yon impaipasak ed krus tan impapatey ed saray totoon makasalanan.

Saray Hebreo 2:1

Kanyan nepeg tayon bembenan na malet iray katwaan a nadngel tayo, pian ag itayo nabalang.