Lucas 6:7 - Maung a Balita Biblia

⁷ Wala rad may iskriba tan Pariseo a manaanap na ipakasalanan dad kinen Jesus, kanyan siniim da no manambal kasi no Agew na Panagpainawa.

Maung A Balita Biblia

⁷ Wala rad may iskriba tan Pariseo a manaanap na ipakasalanan dad kinen Jesus, kanyan siniim da no manambal kasi no Agew na Panagpainawa.

Lucas 6:7 Iomraidhean Croise

Saray Salmo 38:12

Saray malabay a mamatey ed siak et papatitan da ak; saray malabay a mamasakit ed siak et tataktakoten da ak a pateyen; ag ira ontotondan mankokomplut sumpad siak.

Isaias 29:21

Deralen na Dios iray mamapaoges na kapara ran too, saray manesebel na pakadusa da ray kriminal, tan saray mantatasiy tila pian ag niiter so katonungan da ray maptek so kabibilay da.

Jeremias 20:10

Narerengel koy paneesaesan na saray karaklan, Makapataktakot ed anggan iner a pasen! Kanyan idalem tayod saray makankanepegan! Anggan saray kakaarok a malet aalagden day kapelag ko. Angangko nayarin palikdoen, kuanda; naerel tayo sirin tan makabawi tayo.

Mateo 5:39

Balet ibagak ed sikayo natan: ag kayo ombabawi ed siopaman a nanggaway maoges ed sikayo. No walay manampal ed kawanan ya aping mo, ipatampal mo niy kawigin aping mo.

Marcos 3:2

Wala ra met dimay totoon labay dan akusaen si Jesus, kanyan siniiim da no mantambal kasi ed Agew na Panagpainawa.

Lucas 13:14

Balet nampasnuk so inkargadoy sinagoga, lapud amaabig si Jesus ed Agew na Panagpainawa. Inkuantod saray totoo, Walay anemiran agew a niganan pankimey. Laki diad sarayan agew a mampatambal, aliwan sano Agew na Panagpainawa!

Lucas 20:20

Kanyan inalagar day pankanawnawan mangerel ed sikato. Wala ray inopaan dan totoo a mankonkonwariyan a maung iran totoo. Imbaki da ran mangerel ed kinen Jesus, diad panamegley na pantepet da, pian nipalima rad pakayari tan pakaoley na Gobirnador.

Juan 9:16

Inkuan na saray pigaran Pariseo, Say toon nanggawa ed saya et ag nanlapud Dios, ta ag to ngingilinay Agew na Panagpainawa. Saray arum balet kuanda, Panoy pakagaway toon makasalanan na ontan la ran milagro? Nambabalingaan ira sirin.