Lucas 6:49 - Maung a Balita Biblia

⁴⁹ Say toon ondengel ed saray salitak, balet et ag to ra lamlamang tombuken, aliling toy sakey a toon angipaalagey na abung ed dalin tan anggapoy pundasion. Nen sinmabiy delap, nagban tampol iman ya abung, tan makapataktakot so inkaderal to!

Maung A Balita Biblia

⁴⁹ Say toon ondengel ed saray salitak, balet et ag to ra lamlamang tombuken, aliling toy sakey a toon angipaalagey na abung ed dalin tan anggapoy pundasion. Nen sinmabiy delap, nagban tampol iman ya abung, tan makapataktakot so inkaderal to!”

Lucas 6:49 Iomraidhean Croise

Probirbio 28:18

Mambilay kan maptek, et arawi kad kaatapan. No pikewet so panagbilay mo, bigla kan napelag.

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Oseas 4:14

Anggaman ontan ag ko ra dusaen ed saya, lapud sikayon dili et miaakdul kayo ed saray marotak a bibiid timplo, tan kaiba yo ran mangisasaklang na saray bagat da ray pagano. Onung na ibabagay sakey a probirbio, Naderal iray totoon anggapoy kalakal da.

Mateo 23:3

Kanyan tombuk tan sumpal yo ray amin ya ibabaga ran gawaen yo. Balet ag yo aaligen so gagawaen da, ta ag da lamlamang susumpaley ibabangat da.

Mateo 24:10

Amayamay ed satan iray mangibeneg ed pananisia ra. Mampapaogesan tan mambobosulan ira.

Marcos 4:17

Balet ag onlamut; kanyan ag mansiansiad puso ra. Kanyan no onsabi lay kairapan o sikara lay napasegsegang makasengeg ed salitay Dios, bigla la ran ombetel.

Lucas 12:47

Say aripen ya amta toy labay a pagaway amo to et ag to paraanan a gawaen, nasiplatay dakel.

Lucas 19:14

Balet kabosul na saray dilin kabaleyan to, kanyan kasiput to, angibaki ray mangibaga, Ag mi labay a manarid sikami yan too.

Lucas 19:27

Tan nipaakar ed saramay kalaban ko ya ag da ak labay a manarid sikara: iyakar yo ra dia tan patey yo rad arap ko!

Lucas 6:46

Akin et tatawagen yo ak na Katawan, Katawan! et ag yo lamlamang totombukey ibabagak?

Lucas 6:48

Aliling toy sakey a toon angotkot na aralem, tan inletneg tod baton-dampay so pundasion na abung ya impaalagey to. Dinmelap, tan say maksil a danum binmasig ed saman ya abung, balet ag agalaw, lapud malet so inkagawa to.

Lucas 7:1

Kasumpal nen Jesus ya imbaga ra ya amin ed saray totoo, linmad Capernaum.

Juan 15:2

Ekalen toy balang sangan ag mambunga tan palinan to so sangan mambubunga tan palinan to so sangan mambubunga, pian lalon ondakel so bunga to.

Saray Gawgawa 20:29

Amtak a no kasiput ko, ondago rad sikayoy masesebeg ya asod katakelan tan anggapoy panangasiy panderal dad saray karniro.

Saray Gawgawa 26:11

Amimpiga-pigan pinapairap ko ra ed amin a sinagoga, tan pinapasoot ko ran mansalitay pangibeneg dad pananisia ra. Diad ontan lan petang na olok ed sikara, lilinma ak ya anggad saray siudad ed arum a bansa a mamairap ed sikara.

1 TESALONICA 3:5

Kanyan nen ag ko la nitepel imbakik lad tay Timoteo a mangamta ed kipapasey pananisia yo. Ag la pigan atukso ki la na Diablo tan say sagput mid tan et magmaliw ya andi-kakanaan.

2 Pedro 2:20

Saray totoon makapikabat ed Katawan tan Manangilaban tayon Jesu-Cristo et akapaliis la rad marotak a kagagawa diad mundo. Balet no ompawil ira lamet a naaripey kaogsan, lalon maoges so kipapasen da nen say gendat.

1 Juan 2:19

Sarayan totoo et aliwa ran tuan kabyangay moyungan tayo, kanyan tinaynan da itayo. No talagan kaiba tayo ra ed moyungan tayo, nansiansia ra komun ya akiolup. Balet tinmaynan ira, kanyan malinew ya amin da et aliwan kabyangay moyungan tayo.