Lucas 4:34 - Maung a Balita Biblia

³⁴ Antoy pibabalian mod sikami, Jesus a taga Nazaret? Linma ka dian maneral ed sikami? Kabat ko no siopa ka: sika so Masanto na Dios!

Maung A Balita Biblia

³⁴ “Antoy pibabalian mod sikami, Jesus a taga Nazaret? Linma ka dian maneral ed sikami? Kabat ko no siopa ka: sika so Masanto na Dios!”

Lucas 4:34 Iomraidhean Croise

Genesis 3:15

Pambosulan ta ka tan samay bii; mambosulan lawas so anak mo tan say anak to. Temeken na anak to so olom tan ketketen mo so mokur da.

1 Saray Arari 17:18

Inkuantod kinen Elias, Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?

Saray Salmo 16:10

ta iyaagel mo ak ed pakayari na patey. Matoor a nanlilingkur ak ed sika, kanyan ag mo ak ikaindan ed pasen a panaayaman da ray inaatey.

Daniel 9:24

Mamimpiton pitomplo a taon so karokey na panaon ya inggetar na Dios a pangibolus ed saray totoom tan say masanton siudad mo ed kasalanan tan kaogsan. Napirdona so kasalanan tan niletneg so andi-anggaan ya inkatonung, pian ontua so pasingayew tan say propisiya, tan nisaklang lamet ed Dios so masanton Timplo.

Mateo 8:29

Inmeyaeyag iran tampol, Antoy getmam a gawaen ed sikami, Anak na Dios? Linma ka mamairap ed sikami, anggan ag ni asabiy panaon?

Marcos 1:24

tan ineyaeyag to, Antoy pibabalian mod sikami, Jesus a taga Nazaret? Linma ka dian maneral ed sikami: Kabat ko no siopa ka: sika so Masanto na Dios!

Marcos 1:34

Amayamay iray pinapaabig ton manliliknay nambabangil a sakit tan pinapaekal to ray dakerakel a dimonyo. Ag to pinapaesel iray dimonyo, lapud kabat da no siopay Jesus.

Marcos 5:7

insan to iningaingal, Jesus, Anak na Sankatageyan a Dios, antoy pibabalim ed siak? Diad ngaray Dios, ipangasim ta ag mo ak papairapen!

Lucas 1:35

Onlad sikay Ispiritu Santo, ebat na anghil, tan tarungan kay pakapanyariy Sankatageyan a Dios. Kanyan natawag ya Anak na Dios so masanton ogaw ya iyanak mo.

Lucas 4:33

Walad man ed sinagoga so sakey a lakin inaponay ispiritu na maoges a dimonyo. Ineyaeyag to,

Lucas 4:41

Pinmapaway iray dimonyo ed amayamay a totoo. Nen ompapaway ira, iniingal da, Sikay Anak na Dios! Balet binano ra nen Jesus, tan ag to ra abuloyan a mansalita, lapud amta ran sikato so Cristo.

Lucas 8:28

Nen anengneng toy Jesus, inmingal, dinmakmomod arap to, tan inkuanton makmaksil, Jesus, Anak na Sankatageyan a Dios! Antoy pibabalim ed siak? Pikasik ed sikan ag mo ak papairapen!

Lucas 8:37

Amin da ray Gadareno kinerew dad kinen Jesus ya ontaynan la, ta ontan lay takot da. Kanyan linmogan lay Jesus ed baloto tan linma la.

Saray Gawgawa 16:39

Kanyan linma ra, tan akikerew iray pirdonad sikara. Impaway da rad prisowan, insan da kinerew ya ontaynan la ra.

Saray Gawgawa 2:27

lapud ag mo ak ikaindan ed pasen a panaayaman da ray inaatey ag mo iyabuloy a naboluk so masanton aripen mo.

Saray Gawgawa 3:14

Impolisay yo so Masanto tan Matonung tan say managpatey na too la laingen so kinerew yon nibolus.

Saray Gawgawa 4:27

Ta nankasakey ed sayan siudad si Herodes, si Poncio Pilato, saray Hintil, tan saray amin a totood Israel a milaban ed masanton Aripen mon si Jesus, say pinilim a Cristo.

Saray Hebreo 2:14

Lapud sarayan anak et totoo ran walay laman tan dala, si Jesus et nagmaliw a too a singa sikara. Ginawa to ya pian diad panamegley na impatey to, naderal toy Diablo a walay pakayari tod patey.

Santiago 2:19

Sisiaen mon saksakey so Dios, anto? Maung itan! Saray dimonyo sisiaen da met, tan manggiwgiw ni ra ingen.

1 Juan 3:8

Siopamay manggaway kasalanan kayaryan na Diablo, ta say Diablo et nankasalanan nanlapud gapo. Pinmanengneng so Anak na Dios a maneral na saray kimey na Diablo.

Puyan 20:2

Siningkat toy dragon, samay daan ya oleg a sikato met so Diablo, o Satanas, tan binalur tod loob na sanlibon taon.

Puyan 3:7

Isulat mod anghil na iglisia ed Filadelfia: Sikato yay ibabaga na masanto tan matwa a sankabembenan toy tombuk nen David; anggapoy makapangikaput ed antokaman ya ilokas to, tan anggapoy makapangilokas ed antokaman ya ikaput to.