Lucas 24:51 - Maung a Balita Biblia

⁵¹ Nen bibindisionan to ra, tinaynan to ra tan niatagey ed tawen.

Maung A Balita Biblia

⁵¹ Nen bibindisionan to ra, tinaynan to ra tan niatagey ed tawen.

Lucas 24:51 Iomraidhean Croise

2 Saray Arari 2:11

Intuloy day pantotongtong da legan dan manaakar, insan kabebekta linmeet ed sikaray karwahin apoy a bibiraen na saray kabayon apoy, tan say alimbusabos inyakar tod tawen si Elias.

Marcos 16:19

Kasumpal ya akisalitay Katawan a Jesus ed sikara, niatagey ed tawen tan inmirung ed nikawanan na Dios.

Lucas 24:50

Inyakar to rad satan ed paway na siudad. Kasabi rad Betania, intagey to ray lima to tan binindisionan to ra.

Lucas 24:52

Inggalang da tan pinmawil iran magaygayaga ed Jerusalem.

Juan 20:17

Ag mo ak bebembenan, kuanen Jesus ed sikato, ta ag ak ni inmatagey a linmad Ama. Onla ka ingen ed saray agagik a lalaki tan ibagam ed sikara a kuanko, Onatagey ak ya onlad Amak tan Ama yo, Dios ko tan Dios yo.

Saray Gawgawa 1:9

Kapangibaga to ya, niatagey ed tawen leleg dan nenengnengen, insan asaniban na lorem.

Saray Hebreo 1:3

Say Anak isisinag toy liwawa na kagalangay Dios, ta walad sikatoy peteg ya inka-Dios na Dios. Sikatoy manaasikasod sankamundoan diad panamegley na makapanyarin salita to. Kasumpal ton nilinisan iray katoowan ed saray kasalanan da, inmirung ed nikawanay Dios, say Sankatageyan a Pakayari.

Saray Hebreo 4:14

Kanyan pabiskegen tayo lawas so pananisia tayo, ta walay matalonggaring a Pangulon Pari tayo a linmoob ed kawalaay Diossi Jesus ya Anak na Dios.