Lucas 24:36 - Maung a Balita Biblia

³⁶ Nen pantotongtongan da ya, biglan manalalagey si Jesus ed pegley da. Inkuantod sikara, Say kareenan komun so walad sikayo.

Maung A Balita Biblia

³⁶ Nen pantotongtongan da ya, biglan manalalagey si Jesus ed pegley da. Inkuantod sikara, “Say kareenan komun so walad sikayo.”

Lucas 24:36 Iomraidhean Croise

Isaias 57:18

Anengneng koy ginagawa ra, balet paabigen ko ra. Iwanwan ko ra tan tulongan ko ra, ta ligliwaen ko ray maermen.

Mateo 10:13

No manepeg iray totood saman ya abung, itilak yoy impaabet yon kareenan ed sikara; balet no ag da kayo awaten, babawi yo.

Marcos 16:14

Kasumpal to ya, pinmanengneng si Jesus ed saray labinsakey a disipulo legan dan mangakan. Nampasnukan to ra, lapud anawet so puso ra tan ag ira anisia ed saramay akanengneng ed sikato ya inmoli lad bilay.

Lucas 10:5

Kaloob yod anggan dinan ya abung ikuanyo nin onaan, Manari komuy kareenan ed sayan abung!

Juan 14:27

Itilak kod sikayoy kareenan; say kareenan kon dili so iter kod sikayo. Aliwan singa panangiter na sankamundoan so pangiter kod sikayo. Ag komun nagunigon tan ontakot so puso yo.

Juan 16:33

Imbagak yad sikayo, pian nawalaan kayoy kareenan diad pikasakey yod siak. Manirap kayo diad mundo, balet pabiskeg yoy linawa yo! Tinalok lay sankamundoan!

Juan 20:26

Kayariy waloy agew, nantitipon lamet ed loob na abung iray disipulo to. Kaiba ra lay Tomas. Akatalak iray puirta, balet linmoob si Jesus tan nanalagey ed pegley da. Inkuanto, Say kareenan komun so walad sikayo!

Saray Gawgawa 1:3

Kasumpal na impatey to, amimpigan nampapanengneng ed sikara, kanyan apaneknekan a tuan mabilay. Diad loob na apataploy agew, nampapanengneng ed sikara tan imbabangat to ray nipaakar ed Panariay Dios.

1 CORINTO 15:5

pinmanengneng ed kinen Pedro, insan diad sikaran amin a labinduan apostol.

1 CORINTO 15:7

Pinmanengneng met ed kinen Santiago, insan diad saray amin ya apostol.

2 TESALONICA 3:16

Say Katawan a dili a sobul na kareenan et itdan to kayo komuy kareenan diad amin a panaon tan diad amin a pamaakaran. Walad sikayon amin komuy Katawan.

Puyan 1:4

Nanlapud kinen Juan yan sulat a para saray pitoran iglisia ed Asia: Nawalaan kayo komuy bindision tan kareenan a manlapud Diossay Dios natan, nen saman, tan say onsabimanlapud saray pitoran ispiritu a walad arap na trono to,