Lucas 22:70 - Maung a Balita Biblia

⁷⁰ Inkuandan amin, Labay mon ibaga, sirin, sikay Anak na Dios? Inmebat, Sikayo lan dili so mangibabaga.

Maung A Balita Biblia

⁷⁰ Inkuandan amin, “Labay mon ibaga, sirin, sikay Anak na Dios?” Inmebat, “Sikayo lan dili so mangibabaga.”

Lucas 22:70 Iomraidhean Croise

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Saray Salmo 2:7

Ibawag koy imbagay Katawan, kuay ari. Inkuay Katawan ed siak: Sikay anak ko; natad sayan agew nagmaliw ak ya amam.

Mateo 26:25

Si Judas, a sikatoy traidor, tinepet to, Maistro, siak kasi? Inmebat si Jesus, Sika lan dili so mangibabaga.

Mateo 26:64

Inmebat si Jesus, Sika lan dili so mangibabaga. Balet kuankod sikayon amin a manlapud natan, nanengneng yoy Anak na Too ya akayorung ed nikawanay Dios a Makapanyarin-amin. Nanengneng yo met ya onsasabin walad saray lorem na tawen!

Mateo 27:11

Manalalagey natan si Jesus ed arap na Gobirnador na Roma. Sikay ari da ray Judio? tinepet to may Gobirnador na Roma. Inmebat si Jesus, Sika lan dili so mangibabaga.

Mateo 27:43

Manmamatalek ed Dios tan inkuanto, Siak so Anak na Dios! Nengnengen pa sirin no labay na Dios ya ilaban natan!

Mateo 27:54

Ataktakot a maung imay kapitan tan saramay sondalon kaiba to a mambabantay ed kinen Jesus nen naimatunan da may yegyeg tan amin ya agawa. Inkuanda, Tuan sikatoy Anak na Dios!

Mateo 3:17

Insan walay bosis a nanlapud tawen a nankuan, Sikato yay inararok ya Anak; sikatoy pakaliliketan ko.

Mateo 4:3

Nitan met lay mananukso tan inkuanto, No sikan talagay Anak na Dios, iganggan mod sarayan bato a magmaliw iran tinapay.

Marcos 14:62

Inmebat si Jesus, On, siak, tan nanengneng yoy Anak na Too ya akayorung ed nikawanay Dios a Makapanyarin-amin. Nanengneng yo met naani ya onsasabin walad saray lorem na tawen!

Marcos 15:2

Tinepet nen Pilato ed kinen Jesus, Sikay ari da ray Judio? Inmebat si Jesus, Sika lan dili so mangibabaga.

Lucas 22:71

Inkuanda, Ag tayo la nakaukolan iray mantasi! Arengel ti lad dilin sangi to!

Lucas 23:3

Tinepet nen Pilato, Sikay ari da ray Judio? Sika lan dili so mangibabaga, ebat nen Jesus.

Lucas 4:41

Pinmapaway iray dimonyo ed amayamay a totoo. Nen ompapaway ira, iniingal da, Sikay Anak na Dios! Balet binano ra nen Jesus, tan ag to ra abuloyan a mansalita, lapud amta ran sikato so Cristo.

Juan 1:34

Anengneng ko ya tan papaneknekan kod sikayo a sikatoy Anak na Dios.

Juan 1:49

Inkuanen Nataniel ed kinen Jesus, Maistro, sikay Anak na Dios! Sikay Ari na Israel!

Juan 10:30

Siak tan say Ama, saksakey kami.

Juan 10:36

No say siak, pinili ak na Ama tan imbaki to ak ed mundo. Panon sirin so pangibaga yon mansasalita ak na maoges sumpad Dios diad pangibabagak ya Anak ak na Dios?

Juan 18:37

Tinepet nen Pilato, No ontan sirin, sakey kan ari? Inmebat si Jesus, Ibabagam la a sakey ak ya ari. Say makasengeg no akin et nianak tan linma ak ed sayan mundo et say pantasik ed katwaan. Siopamay walad katwaan ondengel ed siak.

Juan 19:7

Inmebat iray Judio, Onung ed sakey a ganggan mi, sikatoy nepeg a pateyen, ta impagmaliw toy sikaton dili ya Anak na Dios.