Lucas 22:53 - Maung a Balita Biblia

⁵³ Inagew-agew ak a walad Timplo tan wadman kayo met, balet ag yo ak inerel. Balet sikato yay oras yon onggalaw, no say pakayari na kabilongetan so manoley.

Maung A Balita Biblia

⁵³ Inagew-agew ak a walad Timplo tan wadman kayo met, balet ag yo ak inerel. Balet sikato yay oras yon onggalaw, no say pakayari na kabilongetan so manoley.”

Lucas 22:53 Iomraidhean Croise

Say Libro nen Job 20:5

anggapoy maoges a toon nambayag so impanliket to.

Mateo 21:23

Pinmawil si Jesus ed Timplo. Nen peles ton mambabangat, dinago na saray manonan papari tan saray mamatakken a Judio tan tinepet dad sikato, Antoy pankatonungan mon manggawad saraya? Siopay angiter ed sika yan pankatonungan?

Lucas 22:52

Insan inkuanen Jesus ed saramay manonan papari, saramay opisyal da ray guardiad Timplo, tan saramay mamatakken na baley a linmad man a mangerel ed sikato, Akin et sankaawit yo ray ispada tan pekpek? Tulisan ak sirin?

Lucas 22:54

Inerel day Jesus, insan da inyakar ed abung na Pangulon Pari. Tinmombuk si Pedro ed kinen Jesus, balet walad bandad arawi.

Juan 12:27

Nagugunigon ak natan; anto kasiy ibagak? Ikuanko kasi, Ama, ilaban mo ak ed oras na panliknak na kairapan? Andi, ta say panliknak na kairapan so inakaran ko dia.

Juan 13:30

Inawat nen Judas imay tinapay tan nangganat a pinmaway. Et labi la.

Juan 14:30

Ag ko la dokeyay pansalitak ed sikayo, ta onsasabi lay manoley ed sayan mundo. Anggapon balut so pakayari tod siak.

Juan 7:30

Inanap da sirin ya erelen, balet anggapoy aningkat ed sikato lapud ag ni sinmabiy oras to.

Juan 7:45

Pinmawil ira may guardia ed saray manonan papari tan saray Pariseo. Tinepet dad sikara, Akin et ag yo dia inyakar?

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!

TAGA-EFESO 6:12

Ta saray kalaban tayo et aliwa ran totoo, no ag ingen saray maoges ya ispiritual a pakayari ed mangatatawen a mundo, saray manoley, saray walay pakayari, tan saray panguloy mundo ed sayan ambilonget a panaon.

COLOSAS 1:13

Inlaban to itayon nanlapud kabilongetan tan inyalis to itayod panarian na inararo ton Anak.