Lucas 22:43 - Maung a Balita Biblia

⁴³ Pinmayawar so sakey ya anghil a nanlapud tawen, tan pinabiskeg toy linawa nen Jesus.

Maung A Balita Biblia

⁴³ Pinmayawar so sakey ya anghil a nanlapud tawen, tan pinabiskeg toy linawa nen Jesus.

Lucas 22:43 Iomraidhean Croise

Daniel 11:1

Sikatoy makaoley ya ontulong tan mangyagel ed siak.

Mateo 26:53

Ag mo ta amtan nayarian koy onkerew na tulong ed Amak, tan mangibakin tampol dia na masoluk a labinduan batalyon na anghil?

Mateo 4:11

Tinmaynan sirin imay Diablo, tan sinmabi ray anghil a nanlingkur ed kinen Jesus.

Mateo 4:6

tan inkuanto, No sikan talagay Anak na Dios, tabuy ka! Ta ibabagay Masanton Sulat: Iganggan na Dios iray anghil ton mangasikasod sika; ampayaen da kad lima ra, pian diad bato anggan saray salim ag mo ra nitopa.

Lucas 22:32

Balet Simon, impikasi ta kan ag naandiy pananisiam. No pinmawil lay pananisiam ed siak, pabiskeg moy linawa da ray agagim.

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, Dakel iray nepeg tin palabasen ya irirap diad iloob tayod Panariay Dios.

Saray Gawgawa 18:23

Kalabas na pigay agew, inmalis la lamet. Binibisita to ray pasen a nasasakopay Galacia tan Frigia, tan pinapabiskeg toy pananisia da ray disipulo.

Deuteronomio 3:28

Bilin mo si Josue. Pabiskeg moy linawa to, lapud sikatoy mangipangulo ed saray totoo diad ibaliw dan manakup ed dalin a nanengneng mo.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

Saray Hebreo 1:14

Siopa sirin iray anghil? Ispiritu ran amin a manlilingkur ed Dios, tan imbaki to ran ontulong ed saray mangawat na kilalaban.

Saray Hebreo 1:6

Nen say Dios et ngalngali to lan ibakid sankamundoan so bogbogtung ya Anak to, inkuanto, Sikatoy nepeg ya igalang na amin da ray anghil na Dios.

Saray Hebreo 2:17

Kanyan kinaukolan a magmaliw a singa saray agagi to diad amin a pamaakaran. Diad ontan nagmaliw a maabagey tan matoor a Pangulon Pari ra diad panaglingkur tod Dios, pian napaandi ray kasalanan na saray katoowan.