Lucas 18:43 - Maung a Balita Biblia

⁴³ Tampol a makanengneng la. Tinombuk toy Jesus tan akisalamat ed Dios. Nen anengneng ya na totoo, indadayew dan amin so Dios.

Maung A Balita Biblia

⁴³ Tampol a makanengneng la. Tinombuk toy Jesus tan akisalamat ed Dios. Nen anengneng ya na totoo, indadayew dan amin so Dios.

Lucas 18:43 Iomraidhean Croise

Saray Salmo 107:15

Nepeg dan pisalamatay Katawan lapud ag mangoman a panangaro to, lapud makapakelaw iran ginagawa ton para sikara.

Saray Salmo 107:8

Nepeg dan pisalamatan so Katawan, lapud ag mangoman a panangaro to, lapud makapakelaw iran ginagawa ton para sikara!

Saray Salmo 146:8

tan iitdan toy pakanengneng iray bulag. Itatanduro to ray atumba; aaroen to ray matonung a totoo to.

Saray Salmo 30:2

Kinmerew ak na tulong ed sika, O Katawan a Dios ko, et pinaabig mo ak;

Isaias 35:5

Diad satan, makanengneng iray bulag, tan makadngel iray telek.

Isaias 42:16

Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Isaias 43:21

Sikaray totoon ginawak a para siak, mankanta ra na saray dayew ko!

Mateo 11:5

saray bulag makakanengneng ira, saray lopuy makakaakar ira, saray akating onaabig ira, saray telek mamakadngel ira, saray inaatey nabibilay ira, tan saray mairapbilay nipupulong ed sikara so Maung a Balita.

Mateo 21:14

Wala ray bulag tan piley a sinmingger ed kinen Jesus dimad Timplo tan pinapaabig to ra.

Mateo 9:8

Nen anengneng na saray totoo so agawa ontan lay takot da, tan indayew day Dios lapud impangiter toy onya lan pakayari ed saray totoo.

Lucas 13:17

Abaingan ya amin iray kalaban to ed sayan ebat to, balet makaliliket ya amin iray totoo lapud sarayan makapakelkelaw a ginagawa to.

Lucas 19:37

Diad dalan a mamaleksab a manlapud Palandey na Kaolibaan, tan asingger lad Jerusalem, amin da ra may disipulo inmeeyag irad liket da tan indadayew day Dios, lapud saray amin a makapanyarin gawgawan anengneng da:

Lucas 4:39

Dinago nen Jesus tan nanalagey ed abay na dinokulan to, insan to ginanggan ya onekal imay petang. Nakal so petang to may bii, binmangon a tampol, tan nansirbid sikara.

Lucas 5:26

Agaylay pankelaw na amin a totood man, tan natatakot met ira. Indayew day Dios tan inkuanda, Makapakelaw iray naimatonan mid sayan agew!

Lucas 9:43

Mankelaw ya amin iray totoo ed pakapanyariy Dios. Pankelkelawan niy totoo so amin a gagawaen nen Jesus nen inkuantod saray disipulo to,

Saray Gawgawa 11:18

Nen nadngel da ya, intonda ray pantetetel da tan indayew day Dios. No ontan sirin, inkuanda, initday Dios met iray Hintil na pankanawnawan magbabawi ed saray kasalanan da, pian nagamuran day bilay!

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!

Saray Gawgawa 4:21

Lalon sinebelan iray kabyangay Sanidrin, insan da ra imbolus. Anggapoy naalmo ran makasengeg na panusa rad sikara, ta idadayew na amin a totoo so Dios, lapud sayan agawa.

TAGA GALACIA 1:24

Kanyan inggalang day Dios lapud siak.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.