Lucas 14:7 - Maung a Balita Biblia

⁷ Naimano nen Jesus so pampipili da ray sangkaili na saray manonan pasen, kanyan sinalita to yan alimbawa ed sikara,

Maung A Balita Biblia

⁷ Naimano nen Jesus so pampipili da ray sangkaili na saray manonan pasen, kanyan sinalita to yan alimbawa ed sikara,

Lucas 14:7 Iomraidhean Croise

Probirbio 25:7

Magmaung nin nakerew ed sika ya onatagey kad kipapasen mo nen say nibagad sika ya iter moy kipapasen mo ed sakey a toon matalona nen sika.

Probirbio 8:1

Dengel kayo! Mankokolyaot so kakabatan. Mambabando so pakatalus pian narengel yo.

Ezekiel 17:2

Sika a toon ompatey, kuanto, salitam ed saray Israelita so sayan alimbawa

Mateo 13:34

Amin iray imbaga nen Jesus ed totoo imparalan tod saray alimbawa. Anggapoy imbaga tod sikara ya ag imparalan ed alimbawa.

Mateo 23:6

Labalabay day sankamaungan iran pasen diad saray ponsia tan saray yorungay kagalangan diad sinagoga.

Lucas 11:43

Pakaskasi ki la, sikayon Pariseo! Labalabay yoy onyorung ed manonan yorungan ed sinagoga. Labalabay yo met so paigalang ed publiko.

Lucas 20:46

Manalwar kayod saray iskriba, a labalabay day akar-akar ya andokey so saloy na kawes da, tan igalgalang irad publiko. Labalabay dan pilien iray manonan yorungan ed saray sinagoga tan diad saray ponsia.

FILIPOS 2:3

Ag kayo manggagaway antokaman lapu labat ed siblet yo o lapud labay yoy mampasirayew; mampaabeba kayo ingen tan ipasen yo ray arum a totoo a maung ira nen say sikayon dili.

3 Juan 1:9

Nansulat ak ed iglisia; balet si Diotrefes, a labay toy magmaliw a pangulo ra, et ag to inawat iray ibabagak.

Saray Huis 14:12

Inkuanen Samson ed sikara, Pabitlaan ta kayo. Mipostaan ak ed sikayo na talomplon pinon linen tan talomplon pampalesan a marakep a kawes. No ag yo nabitla kasakbayan a mansamput so pitoy agew na ponsia, sikayoy mangiter ed siak na talomplon pinon linen tan talomplon pampalesan a marakep a kawes; balet no nabitla yo siak so mangiter ed sikayo. Ibagam itay pabitlam, kuanda. Dengelen mi.