Lucas 14:1 - Maung a Balita Biblia

¹ Aminsan ya Agew na Panagpainawa, linmay Jesus a mangan ed abung na sakey ed saray manonan Pariseo. Siniim a maung na saray totoo si Jesus.

Maung A Balita Biblia

¹ Aminsan ya Agew na Panagpainawa, linmay Jesus a mangan ed abung na sakey ed saray manonan Pariseo. Siniim a maung na saray totoo si Jesus.

Lucas 14:1 Iomraidhean Croise

Saray Salmo 37:32

Babantayan na toon maoges so maung a too tan sisiliban ton pateyen;

Saray Salmo 41:6

Ag napanmatalkan iray ondadalaw ed siak; mantitipon ira na saray maoges a balitan nipaakar ed siak, insan da ibabawag ed inerman a pasen.

Saray Salmo 62:4

Labay yo labat ya iyabeban manlapud matalonggaring a kipapasen to; panliliketan yo ray tila. Mansasalita kayoy panamindision, balet isasamba yo ed dalem na kapusoan yo.

Probirbio 23:7

Sigi, mangan ka labat, kuanto, anta kukuanto labat. Say petepeteg ya inkatoo to et say walad kanunotan to.

Mateo 12:12

Lalon mabli niy too nen say karniro, andi ta? Kanyan iyabuloy sirin na Ganggan a manggawa tayoy kamaungan no Agew na Panagpainawa.

Marcos 3:2

Wala ra met dimay totoon labay dan akusaen si Jesus, kanyan siniiim da no mantambal kasi ed Agew na Panagpainawa.

Lucas 11:37

Kasumpal nen Jesus a nansalita, inimbitaan na sakey a Pariseo ed abung to. Linma sirin, tan inmirung a mangan.

Lucas 14:2

Sinmingger ed sikato natan so sakey a lakin linmalarag so laman to.

Lucas 17:20

Tinepet na saray Pariseo ed kinen Jesus no kapigay isabi na Panariay Dios. Onyay ebat to, Say isabi na Panariay Dios anggapoy kaiba ton tandan nanengneng na mata.

Lucas 20:20

Kanyan inalagar day pankanawnawan mangerel ed sikato. Wala ray inopaan dan totoo a mankonkonwariyan a maung iran totoo. Imbaki da ran mangerel ed kinen Jesus, diad panamegley na pantepet da, pian nipalima rad pakayari tan pakaoley na Gobirnador.

Lucas 6:7

Wala rad may iskriba tan Pariseo a manaanap na ipakasalanan dad kinen Jesus, kanyan siniim da no manambal kasi no Agew na Panagpainawa.

Juan 3:1

Walay sakey a Pariseo a manngaray Nicodemo, sakey a pangulo da ray Judio.

Saray Gawgawa 5:34

Balet inmalagey so sakey ed sikara, sakey a Pariseon manngaray Gamaliel, maistroy Ganggan tan gagalangen na totoo. Ingganggan ton papawayen a magano ray apostol,