Lucas 13:26 - Maung a Balita Biblia

²⁶ Ikuan yo lamet, Amimpigan karongo mi ka ya angan, tan inminom, tan nambabangat ka nid baley mi!

Maung A Balita Biblia

²⁶ Ikuan yo lamet, ‘Amimpigan karongo mi ka ya angan, tan inminom, tan nambabangat ka nid baley mi!’

Lucas 13:26 Iomraidhean Croise

Isaias 58:2

Inagew-agew da ak ya igagalang, tan ibabaga ra a maseet iran mangaamta na linawak tan mangoonur na saray ganggan ko. Kekerewen dad siak ya itdan ko ray matonung iran ganggan tan maliket ira konon mangigagalang ed siak.

Lucas 13:27

Balet ikuanto lamet, Ag ko amta no iner so nanlapoan yo. Arawi kayod siak, sikayon managgaway kaogsan!

Lucas 3:8

Ipanengneng yod panagbilay yo sirin a binenegan yo la ray kasalanan yo. Tan ag yo ibagbagad sikayon dili, Anak kami nen Abraham. Kuankod sikayo a nayarian na Dios a pagmaliwen ya anak nen Abraham ira yan bato.

2 Timoteo 3:5

Singa ra rilihiosa, balet ag nanengneng ed panagbilay da so pakayariy rilihion. Arawian mo ra yan klasiy totoo.

Tito 1:16

Ibabaga ran kabat day Dios, balet ibobori ra diad saray gawa ra. Makapaingungot tan benger ira, tan ag da kanepegay manggaway maabig iran bengatla.