Lucas 12:4 - Maung a Balita Biblia

⁴ Kuankod sikayo, kakaarok, ya ag yo tatakotan iray mamatey na laman, balet kasumpal to et anggapo lay nagawaan da a lalon maoges.

Maung A Balita Biblia

⁴ “Kuankod sikayo, kakaarok, ya ag yo tatakotan iray mamatey na laman, balet kasumpal to et anggapo lay nagawaan da a lalon maoges.

Lucas 12:4 Iomraidhean Croise

Probirbio 29:25

Maatap so bilay mo no pibabalian mo so nununoten na saray totoon nipaakar ed sika, balet arawi kad kaatapan no manmatalek kad Katawan.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanamanan kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Kanta nen Solomon 5:16

Masamsamit ya anguban so sangi to; panliketan koy amin a nipaakar ed sikato. Onya so kapara na inarok, O bibiid Jerusalem.

Isaias 41:8

Balet sikayo, Israelitan aripen ko, sikayo ray totoon pinilik saray kabyangay boleg nen Abraham a kaarok.

Jeremias 1:17

Mamparaan ka, Jeremias; laka, ta ibagam ed sikaray amin ya ingganggan kod sikan salitaen mo. Ag ka la natan ontatakot ed sikara; ta no andi, pagmaliwen ta kan lalon ontakot no wadman ka lad sikara.

Jeremias 1:8

Ag ka ontatakot ed sikara, ta wala ak a mangyagel ed sika. Siak, say Katawan, so nansalita!

Jeremias 41:18

pian nibatikan da ray taga Babilonia, ta antakot da ra lapud samay impamatey nen Ismael ed kinen Gedalias a ginawa na ari na Babilonia a gobirnador na dalin.

Ezekiel 2:6

Balet sika a toon ompatey, ag mo ra tatakotan odino saray ibabaga ra. Sumpaen da ka tan pabaingan da ka; singa kad satan mimiamung ed saray alakdan. Ag mo tatakotan ira man a totoon mananumpa odino saray ibabaga ra.

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Juan 15:13

Anggapoy toon babaleg so panangaro tod saray kakaaro to nen say toon mangibagat na bilay to para sikara.

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

Saray Gawgawa 4:13

Mankelaw iray kabyangay Sanidrin ed tepel na linawa di Pedro tan Juan. Lalon mankelaw ira nen naamtaan da ya ordinario labat iran totoo, tan anggapoy aral da. Naamtaan dad satan a kabkaiba ray Jesus nen saman.

FILIPOS 1:28

Ag yo tatakotan iray onlalaban ed sikayo, ta sikato yay pakanengnengan a nadusa ra, balet nilaban kayo, lapud say Dios so mangiiter na kilalaban yo.

Santiago 2:23

Tinmua so ibabagay Masanton Sulat, Si Abraham anisiad Dios, tan lapud pananisia to, say Dios impasen ton matonung. Sikato ni ingey atawag a kaaroy Dios.

1 Pedro 3:14

Balet manliket ki nin siansia, anggaman a pairapen da kayo lapud panggawa yoy kaabigan! Ag yo tatakotay panangigagaem da, tan ag kayo mapaga.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.