Lucas 11:4 - Maung a Balita Biblia

⁴ Pirdona mo kami pad saray kasalanan mi, ta pirdonaen mi ray amin a nankakasalanan ed sikami. Tan ag mo kami iyaakar ed pakatuksoan.

Maung A Balita Biblia

⁴ Pirdona mo kami pad saray kasalanan mi, ta pirdonaen mi ray amin a nankakasalanan ed sikami. Tan ag mo kami iyaakar ed pakatuksoan.’”

Lucas 11:4 Iomraidhean Croise

Genesis 48:16

Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.

1 Saray Arari 8:34

dengel ka pad tawen. Pirdonam pa ray kasalanan da tan ipawil mo rad dalin ya inter mod saray lalaki ra.

1 Saray Arari 8:36

dengel mo pa rad tawen. Pirdonam pa ray kasalanan na ari tan saray totoom ya Israelita. Ibangat mo pad sikaray matonung a pambilay da, tan ipelag moy oran ed sayan dalin mo ya impatawir mod saray totoom.

Saray Salmo 121:7

Iyagel kay Katawan ed amin a kaatapan, ag to iyabuloy a walay maoges a nagawad sika.

Saray Salmo 25:11

Sumpal mo pay sipan mo, Katawan, tan pirdonam pa ray kasalanan ko, ta amayamay la ra.

Saray Salmo 25:18

Imanom pay segsegan tan kairapan ko, tan pirdonam pa ray amin a kasalanan ko.

Daniel 9:19

Katawan, dengel mo kami pa. Katawan, pirdona mo kami pa. Katawan, talineng mo kami pa tan galaw ka pa! Ag ka pa manaabala, O Katawan, pian naamtaan na amin a totoo a sika so Dios! Kayaryan mo yan siudad tan sarayan totoo.

Oseas 14:2

Pawil kayod Katawan, tan iyapay yo yan pikakasi ed sikato: Pirdonam pan amin iray kasalanan mid sika, Katawan, tan dengel mo pay pikakasi mi; et diad ontan idayew mi ka onung na insipan mi.

Mateo 18:35

Ontan met so gawaey Amak ed tawen ed sikayo, no ag yo pirdonaen ed intiron puso yo so agi yo.

Mateo 26:41

Mampuyat tan mampikasi kayo, pian ag kayo napelag ed tukso. Sipaparaan so ispiritu, balet makapoy so laman.

Lucas 11:5

Insan inkuanton intuloy nen Jesus ed saray disipulo to, No bilbilang ta walay sakey ed sikayo ya onlad abung na kaaro to diad pegley-labi tan ikuanto, Kaaro, pabayes mo ak pay taloran tinapay,

Lucas 13:4

Tan nipaakar met ed saramay labinwalon totoo ed Siloe ya inatey lapud atumbaan iray tori, abaloan yo sirin a lalon maoges ni ra nen saray amin nin arum a totoon manaayam ed Jerusalem?

Lucas 22:46

Inkuantod sikara, Akin et nanaogip kayo? Bangon kayo tan mampikasi kayo, pian ag kayo napelag ed tukso.

Lucas 8:13

Saramay ilik a dinmapod dalin a batoy dalem to aliling day totoon ondedengel ed salitay Dios tan aawaten dan sililiket, balet ag onlalamut. Sisiaen da magano, balet no natukso ra, bigla met la ran ombetel.

Juan 17:15

Ag ko kekerewen ed sika ya ekalen mo rad mundo, no ag ta iyagel mo rad samay Maoges.

1 CORINTO 10:13

Anggapo niy sinmabin tukso ed sikayo ya ag ni asaliy karaklan. Matoor so Dios, kanyan ag to iyabuloy ya onsabid sikayoy tukson ag yo nayarian a taloen. Itdan to kayo ingey biskeg no natukso kayo, pian napaliisan yo, et manalo kayo.

COLOSAS 3:13

Mantutulongan kayo, tan mampipirdonaan kayo no walay irap na linaway sakey ed sananey. Mampipirdonaan kayo, onung na impamirdonay Katawan ed sikayo.

2 TESALONICA 3:3

Say Katawan et matoor. Pabiskegen tan iyagel to kayod samay Maoges.

2 Timoteo 4:18

Say Katawan so mangyagel ed siak ed amin a kaogsan, tan sikato met so mangyakar ed siak diad mangatatawen a Panarian to. Nagalang komun ed ando lan ando! Amen.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Puyan 3:10

Lapud inonur moy ganggan ko a mananos ka, asikasoen ta ka met no onsabiy panaon na kairapan a pakasubok ed amin a katoowan diad intiron mundo.