Levitico 19:13 - Maung a Balita Biblia

¹³ Ag yo aanamutey pankanawnawa yod arum a too odino tatakewan yo. Ag yo aabalaen na anggan sanlabi so upa na siopaman ya impankimey yo.

Maung A Balita Biblia

¹³ “Ag yo aanamutey pankanawnawa yod arum a too odino tatakewan yo. Ag yo aabalaen na anggan sanlabi so upa na siopaman ya impankimey yo.

Levitico 19:13 Iomraidhean Croise

Say Libro nen Job 17:5

Ibabaga na samay daan ya oliran a say toon palikdoen toy kakaaro to lapud kuarta, manirap iray anak to lapud saya.

Say Libro nen Job 31:39

no kinan koy naani ya ag ko binayaran, et pinaerasan ko ray dinmalus

Say Libro nen Job 7:2

Singa sakey ya aripen a pampilpilalekan toy ambetel a siroman; singa sakey a kumikimey a mantatalaran na upa to.

Exodo 20:15

Ag ka mantatakew.

Exodo 22:13

No pinatey na saray ayep ed takel, say toon manaasikaso alaen to so laman na ayep a pamaneknek ed agawa; ag to nepeg a bayaran ed akanayep so pinatey na saray ayep ed takel.

Exodo 22:15

Balet no say akanayep et wadman nen abalang so ayep, say binmayes ag nepeg a mambayar. No inabangan ya ayep, say abang et pinagkabayar la.

Exodo 22:21

Ag yo lulukoen odino papairapen so sangkaili; ag yo lilingwanan a sangkaili kayo met nen saman ed Egipto.

Exodo 22:7

No say sakey a too et mipaknaan ya isinup toy kuarta odino antokaman a mablin kayaryan na sakey a too, insan natakew ira ed abung to, say nantakew nepeg a dobli so ibayar to no narel.

Probirbio 20:10

Kabosul na Katawan iray mangikakana na masaol a simbangan tan sukatan.

Probirbio 22:22

Ag mo tatakewan so mairap-bilay lapud sarasarag mo; ag mo aanamutey pankanawnawam a mamairap ed saray totoon anggapoy nayarian no wala kayod korti.

Probirbio 3:28

Ag mo ibabagad kaabay mo ya ompawil ka nabwas no nayarian mo lan tulongan natan.

Jeremias 22:13

Pakaskasi so toon mangipapaalagey na abung diad panamegley na aliwan matonung a polaing, tan papabalegen to diad panamegley na panagsaol; ya anggapoy nagunggona na saray pankikimeyen ton kadalaan to, ta ag to iiter iray upa ra.

Jeremias 22:3

Siak, say Katawan, igaganggan kod sikayo a manggawa kayoy kaptekan tan katonungan. Iyagel yoy toon nasasaol ed lima na manasaol ed sikato. Ag yo panggagawaay makapoy o papairapen iray sangkaili, saray olila, odino saray balon bibii; ag yo papateyen ed sayan masanton pasen iray totoon anggapoy kasalanan.

Ezekiel 18:7

Ag to sasaolen odino tatakewan so siopaman. Ipapawil to so impotika na akautang ed sikato; iitdan to na nakan iray narasan tan kawes iray anggapoy nipales.

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak. Say Katawan a Dios so nansalita.

Ezekiel 22:29

Saramay mamayaman mansasaol tan mantatakew ira. Papairapen da ray mairap-bilay tan sasaolen da ray sangkaili.

Levitico 25:14

Kanyan no mangilako kayoy dalin ed kapara yon Israelita odino manaliw kayod sikato, ag yo sasaolen.

Levitico 25:17

Ag yo sasaolen so kapara yon Israelita, no ag ingen takotan yo so Katawan a Dios yo.

Levitico 6:3

odino lapud impangibori to ed nalmo ton bengatla ya abalang tan nansamba ni ingen ya ag to nalmo.

Malakias 3:5

Say Katawan a Makapanyarin-amin kuanto, Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkailiamin da ray mangigagalang ed siak.

Mateo 20:8

Nen onsisironget la, samay akankaubasan tinawag toy inkargado to tan inkuanto, Tawag mo la ra may mankikimey tan iter moy upa ra. Igapom ed saray onur a nankimey ya anggad saray onaan.

Marcos 10:19

Amtam iray ganggan: Ag ka mamapatey; ag ka mikakaloguran; ag ka mantatakew; ag ka mantitila ed pantasim; ag ka mansasaol; igalang moy amam tan inam.

Lucas 3:13

Ag kayo manisingil na masoluk nen say nepeg yon singilen, ebat to.

1 TESALONICA 4:6

Nipaakar ed saya sirin, nepeg ya anggapoy toon manggaway maoges o mansaol ed agi to. Pinasakbayan mi kayo lan maung nen saman, a say Katawan dusaen ton dusaen iray manggaway onya ran kaogsan.

1 Timoteo 5:18

Ta ibabagay Masanton Sulat, Ag mo babalungosay baka no maniilik. Ibabaga to met ni, Kanepegan na kumikimey so mangawat na upa.

Santiago 5:4

Dengel yoy riklamo da ray totoon nankimey ed dalin yo, ta ag yo ra inoopaan. Nadngel na Katawan a Makapanyarin-amin so dageyem da ray omaani yo!