Levitico 1:4 - Maung a Balita Biblia

⁴ Samay too itapew tod olo na samay baka so lima to, ed diad ontan naawat imay baka a sakey a bagat a mangekal na saray kasalanan to.

Maung A Balita Biblia

⁴ Samay too itapew tod olo na samay baka so lima to, et diad ontan naawat imay baka a sakey a bagat a mangekal na saray kasalanan to.

Levitico 1:4 Iomraidhean Croise

Exodo 28:38

Si Aaron et nepeg ya isolung to ya ed muling to, pian siak a Katawan et awaten koy amin a bagat ya isaklang ed siak na saray Israelita, anggaman a wala ray lingon nagawa na totoo diad pangisaklang da.

Exodo 29:10

Iyakar mod arap na Tuldan Ayamay Katawan so bakan kalakyan tan ibagam ed kinen Aaron tan saray lalakin anak to ya itapew dad olo to iray kalimaan da.

Exodo 29:15

Alam so sakey ed saramay karniron kalakyan tan ibagam ed kinen Aaron tan saray lalakin anak to ya itapew dad olo to iray kalimaan da.

Exodo 29:19

Alam so sananey a karniro tan ibagam ed kinen Aaron tan saray anak to ya itapew dad olo to iray kalimaan da.

Exodo 29:33

Kanen da so inkanad sirimonya na pakapaandiy kasalanan nen akonsagraan ira. Saray papari labat so nayarin mangan ed sayan kakanen, lapud masanto yan kakanen.

Isaias 56:7

Iyakar ta kayod Sion, say masanton palandey ko, panliketen ta kayo ed dalem na abung kon panagpikasian, tan awaten ko ray bagat ya isaklang yod altar ko. Natawag so Timplok ya abung na panagpikasian na saray totoo ed amin a bansa.

Daniel 9:24

Mamimpiton pitomplo a taon so karokey na panaon ya inggetar na Dios a pangibolus ed saray totoom tan say masanton siudad mo ed kasalanan tan kaogsan. Napirdona so kasalanan tan niletneg so andi-anggaan ya inkatonung, pian ontua so pasingayew tan say propisiya, tan nisaklang lamet ed Dios so masanton Timplo.

Levitico 16:21

Itapew ton duay lima to ed olo na samay kanding tan ipatua to dia iray amin a kaogsan, kasalanan, tan kasusumlang na saray totood Israel. Diad onya, niyalis to ra ya ed olo na samay kanding. Samay kanding et ibolus ed kalawakan na sakey a lakin apilin manggawa ed saya.

Levitico 16:24

Nepeg a manames ed masanton pasen insan to isolung so dilin kawes to. Kayari to ya, ompaway, ta mangisablang na bagat a popoolan a mangekal na saray dilin kasalanan to tan saray kasalanan da ray katoowan.

Levitico 22:21

No say sakey a too et mangyakar ed Katawan na bagat a para kareenan, a panumpal tod sipan to odino pangibagat tod mabolus a linawa, say ayep ya ibagat to et nepeg ya anggapoy deral na laman to pian naawat.

Levitico 3:13

itapew tod olo na samay ayep so lima to tan pateyen to ed arapan na Tulda. Saray papari isibo rad dapag na altar so dala to

Levitico 3:2

Say too itapew tod olo na samay ayep so lima to tan pateyen tod diad lolooban na Tuldan Ayamay Katawan. Saray paparin anak nen Aaron isibo rad apatiran dapag na altar so dala to may baka,

Levitico 3:8

itapew tod olo na samay ayep so lima to tan pateyen to ed arapan na Tulda. Saray papari isibo rad apatiran dapag na altar so dala to may ayep

Levitico 4:15

saray pangulo na saray baley itapew dad olo na samay baka so kalimaan da, tan diman da pateyen imay baka.

Levitico 4:20

No antoy gawaen tod bakan kalakyan ya ibagat a para kasalanan ontan met so gawaen tod sayan bakan kalakyan; onya so pangisaklang toy bagat a para kasalanan da ray katoowan, et napirdona so kasalanan da.

Levitico 4:24

Itapew tod olo na samay ayep so lima to, insan to pateyen ed nibaybay na altar a diay panamateyan ed saray ayep ya isaklang a bagat a popoolan. Sikato yay bagat a pangekal na kasalanan.

Levitico 4:26

Insan to poolan ed altar iray amin a taba to may ayep a singa pamool tod taba na saray ayep a pinatey ya ibagat a para kareenan. Diad onya say pari isaklang toy bagat a para kasalanan na samay manoley, et napirdona yan manoley.

Levitico 4:29

Itapew tod olo na samay ayep so lima to, insan to pateyen ed nibaybay na altar a diay panamateyan ed saray ayep ya isaklang a bagat a popoolan.

Levitico 4:31

Ekalen to ray amin a taba to may ayep a singa pangekal ed taba na saray ayep a pinatey ya ibagat para kareenan, insan to ra poolan ed tapew na altar. Makapaliket ed Katawan so balingit na sayan bagat. Diad onya say pari isaklang toy bagat a para kasalanan na sakey a too, et napirdona yan too.

Levitico 4:33

Itapew tod olo na samay ayep so lima to insan to pateyen ed nibaybay na altar a diay panamateyan ed saray ayep ya isaklang a bagat a popoolan.

Levitico 4:35

Ekalen to ray amin a taba to may ayep a singa pangekal ed taba na saray ayep a pinatey ya ibagat para kareenan, insan to ra poolan ed tapew na altar a pati saray bagat a popoolan a nisaklang ed Katawan. Diad onya say pari isaklang toy bagat a para kasalanan na sakey a too, et napirdona yan too.

Levitico 4:4

Iyakar tod lolooban na Tulda imay baka, itapew tod olo na baka so lima to, insan to pateyen diman diad arap na Katawan.

Levitico 5:6

tan say dusay kasalanan to et say pangibagat tod Katawan na sakey a kabatyan a karniro odino kanding. Say pari isaklang to so bagat a para kasalanan to yan too.

Levitico 6:7

Say pari ibagat to so ayep a pangekal na kasalanan to yan too, et napirdona yan too.

Levitico 8:14

Insan si Moises inyakar to may kilaw na bakan kalakyan ya ibagat a para kasalanan, et si Aaron tan saray lalakin anak to intapew dad olo na samay baka iray kalimaan da.

Levitico 8:18

Kayari to ya, si Moises inyakar to may karniron kalakyan a para bagat a popoolan. Insan si Aaron tan saray lalakin anak to intapew dad oloy ayep iray kalimaan da.

Levitico 8:22

Insan inyakar nen Moises imay kumadwan karniron kalakyan para pangikonsagrad saray papari. Insan si Aaron tan saray lalakin anak to intapew dad oloy ayep iray kalimaan da.

Levitico 9:7

Insan to inkuan ed kinen Aaron, Lakad altar ta isaklang mo so bagat a para kasalanan tay say bagat a popoolan a mangekal na saray kasalanan mo tan saray kasalanan na saray totoo. Isaklang mo yan bagat a mangekal na saray kasalanan na saray totoo onung na ingganggan na Katawan.

Saray Bilang 15:25

Say pari gawaen toy sirimonya a panlinis ed amin ya Israelita, et napirdona ra lapud ag da ginagala so impakalingo ra tan angyakar irad Katawan na bagat a para kasalalanan a sikatoy bagat a popoolan.

Saray Bilang 15:28

Diad altar say pari gawaen to so sirimonya na panaglinis pian nalinisan imay too ed kasalanan to, et sikatoy napirdona.

Saray Bilang 25:13

Sikato tan saray kabyangay boleg to et mansiansia ran pari, lapud ag to inabuloyan so siopaman a manamsam na kipapasen ko tan ginawa toy pakapirdonaan na kasalanan na saray totoo.

Saray Bilang 8:10

Saray totood Israel et itapew da ray kalimaan da ed kaoloan da ray Levita,

Saray Bilang 8:12

Insan saray Levita itapew da ray kalimaan da ed kaoloan da ra may duaran bakan kalakyan; samay sakey ibagat a para kasalanan tan samay sakey isaklang a bagat a popoolan, pian nagawa so sirimonya na panaglinis ed saray Levita.

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Saray Taga Roma 3:25

Imbagat na Dios si Cristo pian, diad panamegley na tinmerter a dala to, napirdona so kasalanay totoo lapud pananisia rad sikato. Ginawa ya na Dios, pian nipanengneng a sikatoy matonung, ta nananos nen saman tan pinalabas toy kasalanay katoowan.

Saray Taga Roma 5:11

Aliwan saya labat, makaliliket itayo nid Dios diad panamegley nen Jesu-Cristo a Katawan tayo, ta lapud sikato nagmaliw ti lan kakaaroy Dios.

FILIPOS 4:18

Nia natan so pakaamtaay masolusoluk ya inter yod siak. Wala lan amiy nakaukolan ko, natan ta wadya lay tulong yo ya awit nen Epafrodito. Singa ra ambalbalingit a bagat ed Dios, marakep tan makapaliket ed sikato.

Saray Hebreo 10:4

Ta ag balut makapaandi na saray kasalanan so dala na saray bakan kalakyan tan saray kanding.

1 Juan 2:2

Si Cristo et nibagat a pakapaandian na saray kasalanan tayo, tan aliwa lambengat a saray kasalanan tayo, no ag ingen pati saray kasalanan na sankamundoan.