Levitico 1:2 - Maung a Balita Biblia

² a tombuken na saray Israelita no mangibagat ira. No mangibagat na sakey ya ayep so siopaman, nepeg a say ayep a manlapud saray baka to, odino diad saray karniro to odino diad saray kanding to.

Maung A Balita Biblia

² a tombuken na saray Israelita no mangibagat ira. No mangibagat na sakey ya ayep so siopaman, nepeg a say ayep a manlapud saray baka to, odino diad saray karniro to odino diad saray kanding to.

Levitico 1:2 Iomraidhean Croise

Genesis 4:3

Kalabas na pigaran taon, angyakar si Cain na pigaran naani to tan imbagat tod Katawan.

Genesis 4:5

balet ag akaliket ed kinen Cain tan samay bagat to. Mapalaloy pasnuk nen Cain tan binmilonget so lupa to.

1 Saray Awaran 16:29

Idayew yoy mapagalang a ngaray Katawan; mangawit kayoy bagat tan loob kayod Timplo to. Dakmomo kayod arap na Masanton Katawan no omparontal;

Esdras 3:5

Niarum ed sarayan bagat so inagew-agew ya isasaklang iran bagat a popoolan, saray bagat ya isasaklang no Pistay Balon Bulan, saray bagat kapag mantitipon ira a mangigalang ed Katawan, tan saray bagat a manlapud mabulos a linawa ya isasaklang na saray totoo ed Katawan.

Exodo 20:24

Manggawa kayo na dalin ya altar a para siak tan diad tapew to so pambagatan yo na karniro yo tan baka yo a sikaray bagat a popoolan tan bagat a para kareenan. Diad amin a pasen ya ibiig kon pangigalangan yod siak, onla ak ed sikayo tan bindisionan ta kayo.

Saray Bilang 15:3

Say bakan kalakyan, say karniron kalakyan, say karniron kabatyan, odino say kanding et nayarin iyapay ed Katawan a sakey a bagat a popoolan, odino sakey a bagat a panumpal na sipan, odino sakey a bagat a manlapud mabolus a linawa, odino sakey a bagat no silibraan yo ray niganan pista yo; makapaliket ed Katawan so balingit na sarayan bagat.

Saray Bilang 5:15

Tua man o andi so inap to, iyakar tod pari imay asawa to. Mangawit na nakaukolan a sakey kilon arinan sibada, balet ag to nepeg a patoroan na larak na oliba odino inan na insinso, lapud sakey yan bagat a nanlapud sakey ya asawan lakin manginap, tan insaklang a pamapaway na katwaan.

Marcos 7:11

Balet ibabangat yo a no ikuay sakey a too ed ama to odino ina to, Antokaman a nayarian kon itulong ed sikayo so Korban (kabaliksan to yay innunot ed Dios),

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Saray Taga Roma 12:6

Kanyan ikana tayo ray langkap ya inter na Dios ed sikatayo, onung ed baleg a panangaro to. No say langkap na Dios ed sikatayo et say panagpulong na salita to, mampulong itayo, onung ed pananisian inter tod sikatayo;

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.