Juan 6:32 - Maung a Balita Biblia

³² Inmebat si Jesus, Ibabagak ed sikayoy katwaan: aliwan si Moises so angiter ed sikayo na tinapay a nanlapud tawen. Say amak so mangiiter ed sikayo na tuan tinapay a nanlapud tawen.

Maung A Balita Biblia

³² Inmebat si Jesus, “Ibabagak ed sikayoy katwaan: aliwan si Moises so angiter ed sikayo na tinapay a nanlapud tawen. Say Amak so mangiiter ed sikayo na tuan tinapay a nanlapud tawen.

Juan 6:32 Iomraidhean Croise

Saray Salmo 78:23

Balet nansalitad tawen tan ingganggan ton onlokas iray puirta to;

Exodo 16:4

Say Katawan kuantod kinen Moises, Natan paoranen ko a manlapud tawen na kakanen a para sikayon amin. Saray totoo et nepeg ya ompaway iran inagew-agew a manala na kanen dan onduga ed sanagew. Diad onya nasubok ko no onuren da kasi iray bilin ko.

Exodo 16:8

Insan inkuanen Moises, Diad labi say Katawan so mangiter ed sikayo na karnin kanen yo tan diad kabwasan, say tinapay ya anggan anto lay karakel na labay yo, lapud nadngel to no panoy impanriklamo yo sumpad sikato. Say katwaan to, no manriklamo kayo sumpad sikami manririklamo kayo sumpad Katawan.

Juan 1:9

Onsasabi diad mundo so tuan silew tan sikatoy mangiiter na liwawa ed saray katoowan.

Juan 15:1

Siak so tuan sengeg na ubas, tan si Amak so managtanaman.

Juan 6:31

Insan da intuloy ya inkuan, Angan na manna ed kalawakan iray lalaki mi, ta ibabagay Masanton Sulat, Initdan to ray tinapay a nanlapud tawen.

Juan 6:33

Ta say tinapay ya iiter na Dios et samay linmasur a nanlapud tawen tan mangiiter na bilay ed sankamundoan.

Juan 6:35

Inkuanen Jesus, Siak so tinapay na bilay. Ag lan balut naerasan so siopaman ya ondagod siak, tan ag lan balut naapgaan so manisiad siak.

Juan 6:41

Ngoro-ngoro ray Judio ed sikato lapud samay imbaga ton sikatoy tinapay a nanlapud tawen.

Juan 6:50

Balet ag ompatey so siopaman a mangan ed sayan tinapay a linmeksab a nanlapud tawen.

Juan 6:55

Ta say laman ko et petepeteg a kakanen, tan say dalak et petepeteg ya iinomen.

Juan 6:58

Sikato ya sirin so tinapay a linmeksab a nanlapud tawen. Siopamay mangan ed sayan tinapay mambilay a magnayon. Doma yad samay inaakan ed kalawakan na saray lalaki yo, ta siansian inaatey ira.

TAGA GALACIA 4:4

Balet nen nagnap lay panaon, say Dios imbaki toy Anak to. Inyanak na sakey a bii, tan nambilay ed silong na Ganggan,

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Diosdiad Anak ton Jesu-Cristo. Sikato yay tuan Dios, tan sikato yay bilay ya andi-anggaan.