Juan 5:30 - Maung a Balita Biblia

³⁰ No siak a dili, anggapoy nagawaan ko. Manintinsia ak onung na narerengel kod Ama. Matonung so panintinsiak lapud ag ko gagawaen so linawak a dili, no ag ingen say linawa na angibakid siak.

Maung A Balita Biblia

³⁰ “No siak a dili, anggapoy nagawaan ko. Manintinsia ak onung na narerengel kod Ama. Matonung so panintinsiak lapud ag ko gagawaen so linawak a dili, no ag ingen say linawa na angibakid siak.

Juan 5:30 Iomraidhean Croise

Genesis 18:25

Andi-duaruwan ag mo pipatey iray matonung ed saray maoges. Ag nayarin balut a gawaen moy ontan. Ta no gawaen mo, napidusa ray matonung ed saray maoges. Ag nayarin balut! Ag ta matonung so huis na intiron mundo?

Saray Salmo 96:13

no onsabiy Katawan a manoley ed sankamundoan. Maptek tan matonung so panoley tod amin a katoowan.

Isaias 28:6

Itdan to na maung a pakatalus ed katonungan iray huis, tan biskeg na linawa iray mangyaagel ed saray puirta na siudad pian ag nadogpaan na saray kalaban.

Sofonias 3:15

Pinatonda na Katawan so dusa yo; pinaandi ton amin iray kalaban yo. Kaolup yo so Katawan ya ari na Israel; anggapo la natan so nepeg yon takotan.

Mateo 26:39

Kaarawi toy daiset, dinmakmomo a sinmabid dalin so lupa to tan nampikasi, Amak, no nayari komun, ipaliis mo siak yan kupay kairapan! Balet aliwan say linawak, no ag ingen say linawam, so nasumpal.

Juan 14:10

Ag ka ta manisian wala ak ed Ama, tan say Ama wala ed siak? Ag manlalapud siak a dili iray salitan ibabagak ed sikayo. Say Ama a manaayam ed siak gagawaen to ray dilin kimey to.

Juan 17:4

Pinagalangan ta kad sankamundoan, tan inonur koy pagagawam ed siak.

Juan 18:11

Inkuanen Jesus ed Pedro, Ikaluban mo tay ispadam. Ag ko ta nepeg ya inomen so kupay kairapan ya inter na Ama ed siak?

Juan 4:34

Inkuanen Jesus ed sikara, Say kanen ko say pangonur koy linawa na angibakid siak tan say panumpal koy kimey a pagagawa tod siak.

Juan 5:19

Kanyan imbaga nen Jesus ed sikara, Ibabagak ed sikayoy katwaan: say Anak ag makapanggaway antokaman a sikaton dili labat. Gagawaen to labat so nanenengneng ton gagawaen na Ama to. No antoy gagawaen na Ama, ontan met so gagawaen na Anak.

Juan 6:38

Ta linma ak dian nanlapud tawen pian gawaen koy linawa na angibakid siak, aliwan say linawak a dili.

Juan 8:28

Kanyan inkuanen Jesus ed sikara, No nibitin yo lay Anak na Too, nakabatan yo lad satan a Siak si Siak. Naamtaan yo met ya anggapoy gagawaen kon manlalapud siak a dili, no ag ingen sasalitaen koy imbangat na Amak.

Juan 8:42

Inkuanen Jesus, No tuan say Dios so ama yo, aroen yo ak komun, ta nanlapu ak ed Dios tan natan wadya ak. Ag nanlapud siak a bukor so inyakar ko dia, no ag ta imbaki ak na Dios.

Juan 8:50

Siak ag ko aanapey kitandurok. Walay manaanap yan para siak tan sikato naaniy manintinsia.

Saray Taga Roma 15:3

Ta anggan si Cristo, ag to pinaliket so sikaton dili. Ingen onung ed Masanton Sulat, Siak so naplagan na saray pabpabaing da ray nanlemlemew ed sika.

Saray Taga Roma 2:2

Amta tayo a say Dios maptek so panagsintinsia to ed saray totoon manggagawa ed saraya.

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.