Juan 5:17 - Maung a Balita Biblia

¹⁷ Balet inmebat si Jesus ed sikara, Si Amak mankikimey anggad natan; ontan ko met.

Maung A Balita Biblia

¹⁷ Balet inmebat si Jesus ed sikara, “Si Amak mankikimey anggad natan; ontan ko met.”

Juan 5:17 Iomraidhean Croise

Saray Salmo 65:6

Diad panamegley na biskeg mo inliram iray palandey ed pasen da; impanengneng mo so balbaleg a pakayarim.

Isaias 40:26

Tangay kayo pa ed tawen! Sipay amalsad saray sankanengneng yon bitewen? Say mangiwawanwan ed sikaran singa saray sondalo et amta toy karakel da tan tatawagen tod ngaran so balang sakey ed sikara. Ontan lay kabaleg so pakayari to anggapoy nabalang ya anggan sakey ed sikara!

Mateo 10:29

Nasaliw yoy duaran anuyaw na mamurmura, balet anggapoy anggan sakey ed sikara so napelag no ag iyabuloy na Ama yo.

Juan 10:36

No say siak, pinili ak na Ama tan imbaki to ak ed mundo. Panon sirin so pangibaga yon mansasalita ak na maoges sumpad Dios diad pangibabagak ya Anak ak na Dios?

Juan 14:10

Ag ka ta manisian wala ak ed Ama, tan say Ama wala ed siak? Ag manlalapud siak a dili iray salitan ibabagak ed sikayo. Say Ama a manaayam ed siak gagawaen to ray dilin kimey to.

Juan 5:16

Lapud saya, ginapoan na saray Judio a pairapey Jesus, ta amaabig ed Agew na Panagpainawa.

Juan 5:18

Lalon binmeskeg so getma da ray Judio a mamatey ed kinen Jesus, lapud anta sinumlang to lay Ganggan na Agew na Panagpainawa, impara to niy inkasikatod Dios diad impangibaga ton say Dios et Ama to.

Juan 9:4

Natan ta agew ni, nakaukolan a gawaen ti ray pagagawa na angibakid siak, ta onsabiy labi ya anggapoy makapankimey.

Saray Gawgawa 14:17

Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy likey iray puso yo.

Saray Gawgawa 17:28

ta Walad sikatoy bilay, igagalaw, tan inkatoo tayo. Onya met so labay ya ibaga na saray managanlong yo nen inkuanda, Anak to itayo met!

1 CORINTO 12:6

Nandoromay pakayari ed panagkimey, balet saksakey so Dios a mangiiter ed balang sakey na pakayarin man kimey.

COLOSAS 1:16

Ta diad panamegley to, apalsa ray amin a walad tawen tan dalin, nanengneng man o andi, pati saray maispiritun pakayari, kakatawan, manoley, tan saray walay betang. Apalsa ray amin a bengatla diad panamegley to tan para sikato.

1 TESALONICA 2:13

Say sakey nin makasengeg na pangiiteran mi lawas na pisasalamat ed Dios, saya: nen impulong miy salitay Dios ed sikayo inawat yon aliwan salitay too, no ag ta peteg a salitay Dios. Say pakayari to yan salitay Dios et nanengneng ed panagbilay yon mananisia.

Saray Hebreo 1:3

Say Anak isisinag toy liwawa na kagalangay Dios, ta walad sikatoy peteg ya inka-Dios na Dios. Sikatoy manaasikasod sankamundoan diad panamegley na makapanyarin salita to. Kasumpal ton nilinisan iray katoowan ed saray kasalanan da, inmirung ed nikawanay Dios, say Sankatageyan a Pakayari.