Juan 4:46 - Maung a Balita Biblia

⁴⁶ Linma lamet si Jesus ed baley na Cana ed Galilea, a diman imay nanggawaan toy milagro ya impagmaliw ton alak so danum. Walay sakey a panguloy baley a mansasakit so anak ton laki ed Capernaum.

Maung A Balita Biblia

⁴⁶ Linma lamet si Jesus ed baley na Cana ed Galilea, a diman imay nanggawaan toy milagro ya impagmaliw ton alak so danum. Walay sakey a panguloy baley a mansasakit so anak ton laki ed Capernaum.

Juan 4:46 Iomraidhean Croise

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.

Saray Salmo 78:34

Balet kapag wala ray pateyen tod sikara, saray nakdaan onsingger irad Dios; mampatauli ra tan masimoon iran mampikasid sikato.

Oseas 5:15

Ikaindan ko ray totook ya anggad asigsigput so impanirap da, lapud saray kasalanan da tan onsabi ran mananap ed siak. Angangko diad gaway panirap da anapen da ak.

Mateo 15:22

Linmad sikatoy sakey a biin taga Canaan a manaayam diman tan inkuanto, Katawan, Anak nen David, kasian mo ak pa! Inaponay dimonyo so anak kon bii tan mapalaloy kakairapan to.

Mateo 4:13

Balet aliwa lan diad Nazaret so nanayaman to, no ag ingen diad Capernaum. Sayan baley walad gilig na Dayat na Galilea, diad sakop na Zabulon tan Neftali.

Mateo 9:18

Nen peles nen Jesus ya ibabaga ra ya, sinmabiy sakey a Judion opisyal. Tinmalimukor ya angigalang ed arap nen Jesus tan inkuanto, Kapatepatey na anak kon bii. Balet mila kad siak, itapew moy limam ed sikato, pian nabilay.

Lucas 4:23

Kanyan inkuantod sikara, Andisaew ya ibaga yod siak imay oliran: Doktor, tambal moy laman mon dili! Ikuanyo met ni, Gawam met ed dilin baley mo ray abalitaan min ginagawam ed Capernaum!

Lucas 7:2

Walad may sakey a kapitan na sanlasus a sondalo a say inararo ton katulong et mansasakit tan ngalngali la ompatey.

Lucas 8:42

ta ompapatey so saksakey ya anak ton bii a mantaoy labindua. Nen oonla lay Jesus, deresdesen na amayamay a totoo.

Juan 2:12

Kasumpal to ya, linmad Capernaum si Jesus, si ina to, saray agagi to, tan saray disipulo to. Nanayam irad man a pigay agew.

Juan 21:2

Nanoolup ira di Simon Pedro, Tomas (ya apangaranay Siping), Nataniel (a taga Cana ed Galilea), saray anak nen Zebedeo tan duara nin disipulo nen Jesus.

Josue 19:28

Hebron, Rehob, Hamon, Cana, ya anggad Sidon.