Juan 4:11 - Maung a Balita Biblia

¹¹ Inkuanto may bii, Anggapoy anggan iyasul mo tan araldalem ni met so bobun. Pangalaan moy mabilay a danum ey?

Maung A Balita Biblia

¹¹ Inkuanto may bii, “Anggapoy anggan iyasul mo tan araldalem ni met so bobun. Pangalaan moy mabilay a danum ey?

Juan 4:11 Iomraidhean Croise

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

Juan 3:4

Tinepet nen Nicodemo ed sikato, Panon a nianak lamet so sakey a toon matakken la? Nayarian to tay ompawil ed eges na ina to insan iyanak lamet?

Juan 4:14

balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.

Juan 7:37

Diad kaonuran tan manona ya agew na pista, inmalagey si Jesus tan kuantod maksil a bosis, Siopamay napgaan nepeg toy ondagod siak tan oninom.

Saray Gawgawa 10:14

Inmebat si Pedro, Ag ko nayarian a gawaen itan, Katawan! Ag ko nin balut angan na antokaman a marotak o ag nepeg a kanen onung ed ganggan.

1 CORINTO 2:14

Ta say toon anggapod sikatoy Ispiritu ag to awaten iray bengatlan iter na Ispiritu na Dios. Diad tuay tua, ag to ra natalusan; anggapoy kabaliksan da ra yad sikato, ta saray maispiritun bengatla natalusan ira labat diad panamegley na maispiritun panagnunot.

Puyan 21:6

Inkuanto nid siak, Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

Puyan 22:17

Inkuan na Ispiritu tan say Nobia, Gala dia! Nepeg ya amin da ray makadngel ed saya ikuanda met, Gala dia! Siopamay napgaan onasingger; siopamay malabay, mangala na anggapoy bayar a danum na bilay.

Puyan 7:17

Ta samay Kordiron walad pegley na trono so mampastol ed sikara. Iwanwan to rad sobusobul na mabilay a danum, tan ponasey Dios iray amin a lua ed mata ra.