Juan 3:29 - Maung a Balita Biblia

²⁹ Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Maung A Balita Biblia

²⁹ Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Juan 3:29 Iomraidhean Croise

Kanta nen Solomon 3:11

Bibiid Sion, gali dia ta nengneng yoy Ari Solomon Akakorona na koronan intoon nen ina to diad samay agew na impankasal to, diad samay agew na impanliket tan impanggayaga to.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanamanan kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Isaias 54:5

Magmaliw a singa asawam a laki so Amalsad sika Yahweh a Makapanyarin-amin so ngaran to. Ilaban ka na masanton Dios na Israel sikatoy manoely ed intiron mundo.

Isaias 66:11

Manliket kayod aligwas to, a singa sakey ya ogaw a melag a maliket a mansususod ina to.

Jeremias 2:2

ipulong kod balang sakey a too ed Jerusalem yan salita to: Nanununotan ko no panoy katooran mo nen wala ka nid kalangweran, no panoy impangarom ed siak nen kapankasal ta; tinotombuk mo ak ed kalawakan, diad dalin ya ag nin balut ataneman.

Ezekiel 16:8

Nen ondadalan ak lamet, anengneng kon sinmabi lay panaon na panibeg mo. Kinobutan ko na latup ko so laman mo tan insipan kon aroen ta ka. Akisipanan ak ed sikan asawaen ta ka, et sikay nagmaliw a kien ko. Sikato yay imbaga na Katawan a Dios.

Oseas 2:19

Israel, pagmaliwen ta ka ya asawak; siak so matwa tan matoor ed sika; ipanengneng kod sikay ag mangoman a panangarok tan panangasik tan pagmaliwen ta kan kayaryan ko ya anggad angga.

Mateo 22:2

Say Panariay tawen alimbawa toy sakey ya arin angiparaay ponsia, ta mankasal so anak to.

Mateo 25:1

Diad satan ya agew, say Panariay tawen aliling toy samploran mamarikit ya angala ray sansasakey a lamparaan, tan pinmaway iran mangabet ed nubio.

Mateo 9:15

Inmebat si Jesus, Manermen sirin iray mibabansal? Andi! Ambegyan wadman ni so nubio, ag ira manermen. Balet onsabi so agew ya ontaynan lay nubio; sikato lad satay panayuno ra.

Lucas 15:6

Kasabi tod abung, imbitaan to ray kaaro tan saray kakaabay to. Miliket kayod siak, ikuanto, ta nalmok so karniron abalang ko!

Juan 15:11

Imbagak ira yad sikayo, pian niwala ed sikayo so liket ko, tan nayadyari so liket yo.

Juan 16:24

Anggad natan ag kayo ni kinmerew na antokaman ed ngaran ko. Kerew kayo et makaawat kayo, pian magmaliw a nagnap so liket yo.

Juan 17:13

Natan onla ak lad sika; ibabagak ira ya leleg kon wadyad mundo, pian napanoy puso ra na liket ko.

Juan 3:30

Nepeg toy nitanduro, balet nepeg koy niabeba.

2 CORINTO 11:2

Singa pangiimon na Dios so pangiimon kod sikayo, ta singa kayo masimsimpit a marikit ya iyaasawak ed saksakey a laki a si Cristo.

FILIPOS 2:2

No ontan kayo, gawa yon sigput sirin so liket komankakasakey kayod kanunotan, manaarowan kayo, tan mankakasakey kid getma tan kalakal.

1 Juan 1:4

Isusulat mi ra ya, pian magmaliw a nagnap so liket tayo.

2 Juan 1:12

Dakerakel ni komuy labay kon ibagad sikayo, balet aliwa lan diad panamegley na sulat, ta baleg so ilalok a makabisitad sikayo pian napilupaan ta kayo. Diad satan, magmaliw a nagnap so panliket tayo.

Puyan 21:9

Inmasinger ed siak so sakey ed saramay pitoran anghil a sankaawit da ray pitoran yaung a napnoy pitoran kaonuran a salot. Inkuantod siak, Gala dia, ta ipanengneng kod sikay Nobia, say asawa na Kordiro.