Juan 20:21 - Maung a Balita Biblia

²¹ Inkuan lamet nen Jesus ed sikara, Say kareenan komun so walad sikayo! Imbaki ak na Ama, ontan met ya ibaki ta kayo.

Maung A Balita Biblia

²¹ Inkuan lamet nen Jesus ed sikara, “Say kareenan komun so walad sikayo! Imbaki ak na Ama, ontan met ya ibaki ta kayo.”

Juan 20:21 Iomraidhean Croise

Mateo 10:16

Dengel kayo! Ibabaki ta kayon singa karniro ed pegley da ray asod katakelan. Nakaukolan a maalwar kayo a singa saray oleg tan mauyamo kayo a singa saray malapati.

Mateo 10:40

Say mangawat ed sikayo awaten to ak met, tan say mangawat ed siak awaten to met so angibakid siak.

Lucas 24:36

Nen pantotongtongan da ya, biglan manalalagey si Jesus ed pegley da. Inkuantod sikara, Say kareenan komun so walad sikayo.

Juan 13:20

Ibagak ed sikayoy katwaan: say mangawat ed siopaman ya imbakik awaten to ak met, tan say mangawat ed siak awaten to met so angibakid siak.

Juan 14:27

Itilak kod sikayoy kareenan; say kareenan kon dili so iter kod sikayo. Aliwan singa panangiter na sankamundoan so pangiter kod sikayo. Ag komun nagunigon tan ontakot so puso yo.

Juan 20:19

Diad labi to man ya agew na Simba, nantitipon iray disipulo. Akatalak iray puirtay abung a nantitiponan da, lapud takot dad saray Judio. Sinmabiy Jesus tan nanalagey ed pegley da. Inkuantod sikara, Say kareenan komun so walad sikayo!

Juan 20:22

Kapangibaga tod saya, iningasan to ra tan kuanto, Awat yoy Ispiritu Santo.

Juan 20:26

Kayariy waloy agew, nantitipon lamet ed loob na abung iray disipulo to. Kaiba ra lay Tomas. Akatalak iray puirta, balet linmoob si Jesus tan nanalagey ed pegley da. Inkuanto, Say kareenan komun so walad sikayo!

Juan 3:17

Ta say Dios ag to imbakiy Anak to a manusa, no ag ingen mangilaban, ed sankamundoan.

Saray Gawgawa 1:2

ya anggad agew na impakaitagey tod tawen. Kasakbayan na impakaitagey to, binilin tod panamegley na Ispiritu Santo iray pinili ton apostol.

Saray Gawgawa 1:8

Balet naitdan kayoy pakayari no onsabid sikayoy Ispiritu Santo, tan magmaliw kayon tasik ed Jerusalem, diad intiron Judea tan Samaria, tan diad amin a sokung na mundo.

2 Timoteo 2:2

Saray salitan nadngel mod siak diad arap na amayamay a tasi so ibangat mod saray totoon napanmatalkan tan nayarian day mangibangat met ed arum.

Saray Hebreo 3:1

Agagik irad pananisia, a tinawag met na Dios! Imano yo pay Jesus ya imbakiy Dios a magmaliw a Pangulon Pari ed pananisian ibabawag tayo.

3 Juan 1:14

Iilaloan kon magano lay pakapannengneng tan pakapantongtong ta.