Juan 19:17 - Maung a Balita Biblia

¹⁷ tan pinmaway a sankasakbat toy krus to a mamaarap ed pasen a tatawagey Pasen na Lapis-lapis na Olo. (Diad salitay Hebreo, tatawagey Golgota.)

Maung A Balita Biblia

¹⁷ tan pinmaway a sankasakbat toy krus to a mamaarap ed pasen a tatawagey “Pasen na Lapis-lapis na Olo.” (Diad salitay Hebreo, tatawagey “Golgota.”)

Juan 19:17 Iomraidhean Croise

Genesis 22:6

Impasakbat nen Abraham ed kinen Isaac imay kiew a para bagat; sikato balet awit toy yuro tan ngalab a pamarlang da. Nen manaakar ira,

1 Saray Arari 21:13

Diad arap na saray totoo, inakusa na saramay duaran lalaki si Nabot ya aayewen toy Dios tan say ari. Kanyan impaway dad siudad si Nabot, tan tinupak da ya anggad inatey.

Levitico 24:14

Ipaway yod kampo itan a too. Balang sakey a toon akadngel ed impanayew tod Katawan et itapew to ray lima to ed olo na satay too a pangipaneknek ton sikatoy nankasalanan, insan amin ya Israelita tupaken da ya anggad ompatey.

Mateo 10:38

Siopamay ag to sakbatey krus to tan ontombuk ed siak, ag manepeg a disipulok.

Mateo 16:24

Inkuanen Jesus ed saray disipulo to, Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

Mateo 27:37

Insulat dad olowan to may impakasalanan dad sikato: Sikato yay Jesus ya Ari da ray Judio.

Marcos 10:21

Maararon ninengneng nen Jesus, tan kuantod sikato, Wala niy sakey a kakulangan mo. Laka, ta ilakom ya amin so kayaryan mo, insan mo iter ed saray mairap-bilay so panlakoan mo. Nawalaan kad satan na kayamanan ed tawen. Insan ka dia ompawil ya ontombuk ed siak.

Marcos 15:26

Nisulat so impakasalanan dad sikato: Say Ari da ray Judio.

Marcos 15:32

Onepas pa natan ed krus so Cristo ya ari na Israel, pian nanengneng mi tan panisiaan mi la! Niludlurey met na saramay duaran nipasak ed krus, a singa sikato.

Marcos 8:34

Pinaasingger natan nen Jesus iray totoo tan saray disipulo to. Inkuanto, Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

Lucas 14:27

Siopamay ag to sakbatey dilin krus to tan ag ontombuk ed siak, ag nayarin magmaliw a disipulok.

Lucas 23:26

Nen iyaakar dan ipasak ed krus si Jesus, nabet day sakey a lakin nanlapud bario. Taga Cirene yan too, tan manngaray Simon. Sinabat da, tan impasakbat day krus ed sikato, insan da pinatombuk ed kinen Jesus.

Lucas 23:33

Nen sinmabi rad pasen a tatawagey Lapis-lapis na Olo, diman da impasak ed krus si Jesus. Impasak da met ed sansakey a krus ira may duaran kriminal, say sakey diad nikawanan tan say sakey diad nikawigi nen Jesus.

Lucas 23:38

Onyay akasulat ed olowan to: Sikato yay Ari da ray Judio.

Lucas 9:23

Insan inkuantod sikaran amin, Siopamay malabay ya ontombuk ed siak, nakaukolan a lingwanan toy sikaton dili, sakbaten ton inagew-agew so krus to, insan ontombuk ed siak.

Juan 19:13

Kadngel nen Pilato ed sarayan balikas, inyakar toy Jesus ed paway tan inmirung ed yorungay huis ed pasen a tatawagey Say Intabladon Bato (diad salitay Hebreo, Gabata).

Juan 5:2

Diad Jerusalem, diad abay na Puirtay Karniro, walay sakey a dipositoway danum a diad salitay Hebreo, tatawagey Betesda. Walay limaran portiko to,

Saray Gawgawa 7:58

Inggayugoy dad paway na siudad, insan da tinutupak. Saray tasi nilalakseb da ray kolibemben a kawes da, tan intitilak dad sakey a lakin tobun-balo a manngaray Saulo.