Juan 18:4 - Maung a Balita Biblia

⁴ Amta nen Jesus ya amin iray nagawad sikato, kanyan inmabet ed sikara tan tinepet to, Siopay aanapen yo?

Maung A Balita Biblia

⁴ Amta nen Jesus ya amin iray nagawad sikato, kanyan inmabet ed sikara tan tinepet to, “Siopay aanapen yo?”

Juan 18:4 Iomraidhean Croise

1 Saray Arari 18:10

Diad ngaran na mabilay a Katawan a Dios mo, sambaan ko ya impaanap ka na ari ed anggad iner a sokung na mundo. Diad inerman a baley ya impakapangibagaan ya andi kad man, impansamba toy pangulod saman a pasen ya ag da kad man narumog.

Nehemias 6:11

Inmebat ak ed sikato, Aliwa ak a toon batik-batik tan amut-amut. Abaloan mon onamut ak ed Timplo lapud pangawanan koy bilay ko? Ag ak onla.

Saray Salmo 27:3

Anggan liktuben ak na olup na saray sondalo, ag ak ontakot; anggan dogpaan ak na saray kalaban ko, manmatalek ak nin siansia ed Dios.

Saray Salmo 3:6

Ag ko antakot iray libo-libon kalaban ko a manlalakob ed siak.

Probirbio 28:1

Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.

Mateo 16:21

Nanlapud saman, ginapoan ya imbaga nen Jesus a nakaukolan ya onla ed Jerusalem tan pairapen na saray mamatakken na baley, saray manonan papari, tan saray iskriba. Papatey da, balet onolid bilay diad kumatlon agew.

Mateo 26:2

Amta yo a duay agew ni, insan Pista na Paskua la. Diad satan niawat ya ipasak ed krus so Anak na Too.

Mateo 26:21

Leleg dan mangakan inkuanen Jesus, Kuankod sikayo: mantraidor ed siak so sakey ed sikayo.

Mateo 26:31

Inkuanen Jesus ed sikara, Diad saya met lamlamang a labi, ibatikan tan taynan yo ak ya amin, ta ibabagay Masanton Sulat, Pateyen na Dios so pumapastol, et nataytayak iray karniro.

Lucas 24:44

Insan inkuantod sikara, Sikara yay sinalitak ed sikayo nen kaibiba ta kayo ni. Imbagak ed sikayon nepeg a nasumpal ya amin iray nisulat nipaakar ed siak diad Ganggan nen Moises, diad saray sulat da ray propita, tan diad saray Salmo.

Juan 13:1

Bispiras la na Paskua. Amta nen Jesus a sinmabi lay oras na itaynan tod sayan mundo tan ipawil tod Ama. Inaro to ray totoo ton wadyad mundo, tan inaro to ra ya anggad kasamputan.

Juan 13:11

(Kabat nen Jesus no siopay mantraidor ed sikato, kanyan inkuanto, Malinis kayo la, balet aliwan amin yo.)

Juan 18:5

Si Jesus a taga Nazaret, inebat da. Inkuanen Jesus ed sikara, Siak si Jesus. Kaiba ray Judas a traidor a manalalagey.

Juan 18:7

Tinepet lamet nen Jesus ed sikara, Siopay aanapen yo? Si Jesus a taga Nazaret, inkuanda.

Juan 19:28

Kasumpal to ya, lapud amta nen Jesus ya ayari lay amin a bengatla, tan pian nasumpal so ibabagay Masanton Sulat, inkuanto, Napgaan ak!

Juan 6:64

Balet wala rad sikayoy ag manisia. (Ta gendat lan kabat nen Jesus no siopa ray ag manisiad sikato, tan no siopay mantraidor ed sikato.)

Saray Gawgawa 2:28

Impanengneng mod siak iray dalan a mamaarap ed bilay, tan napano ak na liket, lapud sikay kaibak!

1 Pedro 4:1

Lapud nanirap ed laman si Cristo, nepeg a sipaparaan ki met a manirap a singa sikato. Ta say maniirap ed laman ibebeneg to lay kasalanan.