Juan 18:12 - Maung a Balita Biblia

¹² Si Jesus inerel tan binalur na saray guardian Judio tan saray sondalo diad panangipanguloy opisyal da.

Maung A Balita Biblia

¹² Si Jesus inerel tan binalur na saray guardian Judio tan saray sondalo diad panangipanguloy opisyal da.

Juan 18:12 Iomraidhean Croise

Genesis 22:9

Kasabi rad samay pasen ya imbagay Katawan, nanggaway Abraham na altar, tan inoksuy tod tapew ta imay kiew. Binalur toy anak to, insan to inyan ed tapew na samay kiew.

Genesis 40:3

impaipriso to rad abung na kapitan da ray guardia, a diman met so akaiprisoan nen Jose.

Saray Salmo 118:27

Say Katawan et Dios; inimisan to tayo. Bembenan yo ray sangasangay kiew, ta igapo yo lay pista tan liber-liber yoy altar.

Mateo 26:57

Saramay angerel ed kinen Jesus inyakar dad abung nen Caifas a Pangulon Pari, a nantitiponan da ray iskriba tan saray mamatakken na baley.

Mateo 27:2

Binalur day Jesus, insan da inyakar ed kinen Pilato a gobirnador.

Mateo 27:27

Si Jesus inyakar na saray sondalo nen Pilato ed palasioy gobirnador, tan minokut na sakey a batalyon na sondalo.

Marcos 14:53

Inyakar day Jesus ed abung na Pangulon Pari, a nantitiponan da ray manonan papari, saray mamatakken na baley, tan saray iskriba.

Marcos 15:1

Kasabiy kabwasan, nantitipon a namplano ray manonan papari, saray mamatakken na baley, saray iskriba, tan saray arum ni ran kabyangay Sanidrin. Binalur day Jesus, insan da inyakar ed kinen Pilato.

Lucas 22:54

Inerel day Jesus, insan da inyakar ed abung na Pangulon Pari. Tinmombuk si Pedro ed kinen Jesus, balet walad bandad arawi.

Juan 18:3

Kanyan linmad may Judas ed tanamanan a kaiba to ray sondalo tan pigaran guardiay Timplo ya imbaki na saray manonan papari tan saray Pariseo. Akaarmas ira tan wala ray awit dan parol tan nipetan a silew.

Saray Gawgawa 10:1

Diad Cesarea walay lakin manngaray Cornelio, sakey a kapitan da ray sondalod Roma a kabyangan iray tatawagen na Kompanya Italiana.

Saray Gawgawa 21:31

Pateyen da lawariy Pablo, balet impakabat dad kapitan da ray sondalo a walay golod intiron Jerusalem.

Saray Gawgawa 21:37

Nen iloloob da lad kuartil si Pablo, inkuantod samay kapitan, Wala pa labat so ibagak ed sika. Tinepet to may kapitan, Akin, makasalita kay Grigo?

Saray Gawgawa 23:10

Nen ampetang lan maung so pansasangsangan da, tinmakot imay kapitan ta ag la pigan nadanel-danel si Pablo, kanyan pinaleksab to ray sondalo, impaala toy Pablo, tan impailoob tod kuartil.

Saray Huis 16:21

Dinakep na saray Filisteo si Samson tan sinokit da ray mata to. Inyakar da ed Gaza, ginolunggolungan da na gansa, insan da impankimey ed gilingan diad dalem na prisowan.