Juan 13:31 - Maung a Balita Biblia

³¹ Kataynan nen Judas, inkuanen Jesus, Nipatnag la natay kagalangay Anak na Too, tan napagalangay Dios met natan diad panamegley to.

Maung A Balita Biblia

³¹ Kataynan nen Judas, inkuanen Jesus, “Nipatnag la natay kagalangay Anak na Too, tan napagalangay Dios met natan diad panamegley to.

Juan 13:31 Iomraidhean Croise

Mateo 8:20

Inmebat si Jesus, Wala ray ongib a panaayaman da ray asod katakelan, tan wala met iray obung da ray manok ed tagey, balet anggapoy anggan narokulan na Anak na Too.

Lucas 12:50

Wala niy binyag a nepeg kon awaten, et nagunigon ak a maung ya anggad pakaawat ko!

Juan 11:4

Balet nen nadngelan ya nen Jesus, inkuanto, Aliwan patey so pansumpalan to yan sakit nen Lazaro. Agawa yan pakagalangay Dios, pian nitanduroy Anak na Dios.

Juan 12:23

Inmebat si Jesus ed sikara, Sinmabi lay oras a napagalangay Anak na Too.

Juan 12:28

Ama, pagalangan moy ngaran mo! Insan walay bosis a nanlapud tawen a kuanto, Pinagalangan ko la, tan pagalangan ko lamet.

Juan 14:13

Antokaman a kerewen yod ngaran ko, gawaen ko, pian nipatnag so kagalangay Ama diad panamegley na Anak.

Juan 16:14

Pagalangan to ak, ta alaen tod siak iray salitaen tod sikayo.

Juan 7:39

Diad saya, say labay ya ibaga nen Jesus et say Ispiritu ya awaten na saray manisiad sikato. Ag ni niiter ed saman so Ispiritu, ta ag ni inatey tan inmolid bilay si Jesus.

Saray Gawgawa 2:36

Kanyan nepeg a naamtaan tan ag panduaruwaan na amin a totood Israel a sayan Jesus ya impasak yod krus so ginaway Dios a Katawan tan Cristo!

Saray Gawgawa 3:13

Say Dios di Abraham, Isaac, tan Jacob, say Dios na saray lalaki tayo so angiter na sankatageyan a kagalangan ed Aripen ton si Jesus. Balet impalima yod saray manoley tan ag yo binirbir ed arap nen Pilato, anggaman a labay to la komun ya ibolus.

2 CORINTO 3:18

Natan ta nakal lay sakbung ed lupa tayo, sikatayo lan amiy mangipatnag na marlang a kagalangay Katawan. Saman met lamlamang a marlang a kagalangan a manlapud Katawan a sikatoy Ispiritu so mangoman na nengneng tayo pian magmaliw a lalon marmarlang, anggad makapipara tayod sikato.

TAGA-EFESO 1:12

Sikami sirin ya onaan a nanilalod Cristo, itanduro miy kagalangan na Dios!

TAGA-EFESO 2:7

Ginawa to ya pian nipanengneng tod arapen a panaon so ag nabilang a kayamanay panangaro tod sikatayo, diad panamegley nen Cristo Jesus.

TAGA-EFESO 3:10

pian diad panamegley na iglisia, nipakabat natan so andi-anggaan a kakabatay Dios ed saray manoley tan saray walay pakayari ed katawenan.

FILIPOS 2:11

Ibawag met ed satan na amin a katoowan a si Jesu-Cristo so Katawan. Lapud saya, say Dios Ama so nagalang.

1 Pedro 1:21

Diad panamegley to, manisia kayod Dios ya amaolid bilay tan amagalang ed sikato, et diad ontan niletneg ed Dios so pananisia tan ilalo yo.

1 Pedro 2:12

Nepeg a mambilay kayon masimpit ed pegley da ray aliwan mananisia. Anggaman a palsaan da kayon manggagaway kaogsan natan, nabirbir da met lamlamang so maung iran gawgawa yo tan diad ontan, igalang day Dios no Agew na isabi to.

1 Pedro 4:11

Sarag moy mampulong? Ipulong moy salitay Dios. Sarag moy manlingkur? Ikanam ed panaglingkur so biskeg ya inter na Dios ed sika; diad ontan, napagalangay Dios ed amin a bengatla, diad panamegley nen Jesu-Cristo. Kayaryan na Dios so galang tan pakayari ed ando lan ando! Amen.