Juan 12:6 - Maung a Balita Biblia

⁶ Inkuanto ya, aliwan lapud panangasi tod saray mairapbilay, no ag ingen lapud sikato et matakew. Sikatoy managegnay kuarta et angaala na natitipon.

Maung A Balita Biblia

⁶ Inkuanto ya, aliwan lapud panangasi tod saray mairap-bilay, no ag ingen lapud sikato et matakew. Sikatoy managegnay kuarta et angaala na natitipon.

Juan 12:6 Iomraidhean Croise

Saray Salmo 14:1

Saray makulang-kulang a totoo kuandad sikaran dili, Anggapoy Dios! Maoges ira tan makapataktakot iray ginagawa ra, anggapoy anggan sakey so manggagaway kamaungan.

Probirbio 29:7

Say maung a too kabat to ray kanepegan da ray mairap-bilay, balet saray totoon maoges ag da natatalusan ira yan bengatla.

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Mateo 21:13

Insan inkuantod sikara, Nabasad Masanton Sulat a say Dios inkuanto: Say abung ko natawag ya abung a panagpikasiyan. Balet ginawa yon ayaman da ray matatakew!

Lucas 8:3

Juana ya asawa nen Cusa ya opisyal nen Herodes, Susana, tan arum ni ran amayamay a bibii. Sarayan bibii inkakana ray kayamanan da ed intulong dad kinen Jesus tan saray disipulo to.

Juan 10:13

Ombatik ta mimiupa labat tan anggapoy panagkawanan tod saray karniro.

Juan 12:5

Akin et ag inlako yan pabalingit na talon lasus a dinario, insan inter ed saray mairap-bilay?

Juan 13:29

Lapud si Judas so mambebembey kuarta, abaloan na saray arum a disipulo a pansaliwen nen Jesus na saray onkana no pista, odino ibabaki ton mangiter ed saray mairap-bilay.)

1 CORINTO 6:10

saray matakew, saray managlames, saray buanges, saray managpabaing, tan saray maagomanggapod sarayan totoo so makatawir ed Panarian na Dios.

TAGA GALACIA 2:10

Say kinerew da labat et say ag mi pamaolyan ed saray mairap-bilay, a sikato lay gendat a pampipilalekan kon gawaen.

1 TESALONICA 5:22

Arawian yoy amin a klasiy kaogsan.

Santiago 2:2

Bilbilang: linmoob ed tipon yo so toon mayaman ya akasingsing na balituk tan akakawes na mabmabli, insa linmoob met so toon mairap-bilay ya apilatpilat so kawes to.

Santiago 2:6

Balet nilemlemew yo ray mairap-bilay! Aliwa kasin saray mamayaman so mamapasegsegang ed sikayo tan mangigagayugoy ed sikayod korti?