Juan 10:25 - Maung a Balita Biblia

²⁵ Inmebat si Jesus, Imbagak lad sikayo et ag ki met manisia. Saray kimey a gagawaen kod ngaray Ama, sikaray mamapaneknek na nipaakar ed siak.

Maung A Balita Biblia

²⁵ Inmebat si Jesus, “Imbagak lad sikayo et ag ki met manisia. Saray kimey a gagawaen kod ngaray Ama, sikaray mamapaneknek na nipaakar ed siak.

Juan 10:25 Iomraidhean Croise

Juan 10:32

Inkuanen Jesus ed sikara, Impapanengneng kod sikayo ray maung a gawan impagawa na Ama ed siak. Dinan ed saraya so makasengeg na panupakan yod siak?

Juan 10:37

No ag ko gagawaen iray kimey na Amak, ag yo ak nepeg a sisiaen.

Juan 10:38

Balet no gagawaen ko ra, anggaman ya ag yo ak sisiaen, sisia yo ray kimey ko. Et diad ontan, naamtaan yo lan talaga a walad siak so Ama, tan wala ak ed sikato.

Juan 11:47

Kanyan akitongtongan na saray manonan papari tan saray Pariseo ray kabyangay Sanidrin. Antoy gawaen tayo? kuanda. Dakel so milagron gagawaen to man a too.

Juan 12:37

Ag nin siansia anisia ray totoo ed kinen Jesus, anggaman ya anengneng da ray milagron ginagawa to.

Juan 14:11

Sisia yon wala ak ed Ama, tan say Ama wala ed siak. No andi, sisia yo ak lapud sarayan gawa.

Juan 20:30

Dakel ni ray milagron ginagawa nen Jesus, a naimatonan da ray disipulo, ya ag nisulat ed sayan libro.

Juan 3:2

Aminsan a labi, linmad kinen Jesus. Rabi, kuanto, amta mi a sakey kan bumabangat ya imbaki na Dios. Ta anggapoy toon makagawa ed saray gagawaen mo, likud no walad sikatoy Dios.

Juan 7:31

Anggaman ontan, dakel nin siansiay anisiad sikato tan kuanda, No onsabiy Cristo, makapanggawa ni kasiy lalon dakel iran milagro nen saray ginagawa to yan too?

Juan 8:12

Nansalita lamet si Jesus ed saray totoo. Inkuanto, Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.

Juan 8:24

Kanyan imbagak ed sikayon ompatey kayod saray kasalanan yo. Talagan ompatey kayod saray kasalanan yo no ag yo sisiaen a Siak si Siak.

Juan 8:56

Nanliket si ama yon Abraham nen akabatan ton nanengneng toy agew ya isabik. Anengneng to tan nanliket.

Juan 8:58

Ibabagak ed sikayoy katwaan, kuanen Jesus, Kasakbayan a nianak si Abraham, Siak et Siak.

Saray Gawgawa 10:38

Amta yo no panoy impangiter na Dios ed kinen Jesus a taga Nazaret na Ispiritu Santo tan say pakayari. Nililiber ton amiy pasen, nanggagaway kamaungan tan nampapaabig ed saray papairapey dimonyo, ta say Dios walad sikato.

Saray Gawgawa 2:22

Sikayo ran Israelita, dengel yo yay ibagak! Si Jesus a taga Nazaret et imbaki na Dios. Pinaneknekan ya na saray milagro, saray pakelaw, tan saray tanda a ginagaway Dios diad panamegley to. Kabat yo ra ya, ta naimatunan yo ra yan amin ya agawgawa.

Saray Hebreo 2:3

Panon sirin a naliktaran tayoy dusa, no palpaolyan tayoy ontan lan kabaleg na kilalaban? Say Katawan so onaan ya angibawag na sayan kilalaban, tan saray akadngel ed sikato pinaneknekan dad sikatayo a tua ya.