Juan 1:51 - Maung a Balita Biblia

⁵¹ Insan to inkuan ed sikaran amin, Ibagak ed sikayoy katwaan, nanengneng yon nalokasay tawen tan nanengneng yo ray anghil na Dios ya onsesegep tan onlalasur ed Anak na Too.

Maung A Balita Biblia

⁵¹ Insan to inkuan ed sikaran amin, “Ibagak ed sikayoy katwaan, nanengneng yon nalokasay tawen tan nanengneng yo ray anghil na Dios ya onsesegep tan onlalasur ed Anak na Too.”

Juan 1:51 Iomraidhean Croise

Genesis 28:12

Akogip to ya akanengneng na sakey a takayan a say balitang to et manlapud dalin ya anggad tawen, tan wala ray anghil ya onlalasur tan onsesegep ed samay takayan.

Ezekiel 1:1

Siak, si Ezekiel a pari a lakin anak nen Buzi, et kaibak iray kaparak a Judion nibantak ed Babilonia. Diad kumaliman agew na kumapat a bulan na kumatalomplon taon na panaayam mi ed gilig na Ilog na Kebar, linmokas so tawen, et akanengneng ak na pasingayew a nanlapud Dios. (

Zacarias 13:7

Say Katawan a Makapanyarin-amin kuanto, Bangon ka, ispada, ta dogpaan moy pumapastol a mankikimey na para siak! Patey mo, pian nikaykayat iray karniro! Dogpaan ko ray totook

Mateo 25:31

No onsabin Ari so Anak na Too a kaiba to ray amin ya anghil, onyorung ed mapagalang a trono to.

Mateo 26:24

Ompatey so Anak na Too, onung na ibabagay Masanton Sulat, balet kaskasian so toon mantraidor ed Anak na Too! Magmaung ni komun ya ag la nianak!

Mateo 3:16

Nen abinyagan lay Jesus, sinmakbit a nanlapud danum. Alokasan ed satay tawen, tan anengneng toy Ispiritu na Dios a singa malapati ya ondadapod sikato.

Mateo 4:11

Tinmaynan sirin imay Diablo, tan sinmabi ray anghil a nanlingkur ed kinen Jesus.

Mateo 8:20

Inmebat si Jesus, Wala ray ongib a panaayaman da ray asod katakelan, tan wala met iray obung da ray manok ed tagey, balet anggapoy anggan narokulan na Anak na Too.

Mateo 9:6

Paneknekan kod sikayo sirin a say Anak na Too et walay pakayari tod tapew na dalin a mamirdonay kasalanan. Inkuantod satan ed samay paralitiko, Alagey ka, alam tay dokulan mo, tan sempet ka la!

Marcos 1:10

Kasakbit nen Jesus, anengneng ton tampol ya alokasay tawen tan say Ispritun singa malapati ya ondadapod sikato.

Marcos 14:62

Inmebat si Jesus, On, siak, tan nanengneng yoy Anak na Too ya akayorung ed nikawanay Dios a Makapanyarin-amin. Nanengneng yo met naani ya onsasabin walad saray lorem na tawen!

Lucas 2:13

Kabebekta, pinmayawar met a kaiba to may anghil so amayamay iran mangatatawen ya anghil a mangigagalang ed Dios:

Lucas 2:9

Pinmayawar so sakey ya anghil ed sikara, tan say karlangay Katawan sinmindag ed kaliberliber da. Ontan lay inkataktakot da,

Lucas 22:43

Pinmayawar so sakey ya anghil a nanlapud tawen, tan pinabiskeg toy linawa nen Jesus.

Lucas 22:69

Balet, manlapud natan, say Anak na Too onyorung ed nikawanay Dios a Makapanyarin-amin.

Lucas 24:4

Nen nagogoloy kaisipan da lapud saya, pinmayawar ed abay da so duaran lalaki a mankidyam iray kawes da.

Lucas 3:21

Kasumpal ya abinyagan ya amin iray totoon dinmadago, abinyagan met si Jesus. Nen mampipikasi si Jesus, alokasay tawen

Juan 1:50

Manisia ka, lapud imbagak ed sikan anengneng ta ka ed silong na igos? Makanengneng ka ni ray makapakelkelaw nen saya, inkuanen Jesus ed kinen Nataniel.

Juan 10:1

Ibabagak ed sikayoy katwaan: say toon onloloob ed koral da ray karniro ya ag ondadalan ed puirta no ag ingen onluluksod ag nepeg a dadalanen, sikatoy matakew tan tulisan.

Juan 10:7

Kanyan inkuan lamet nen Jesus, Ibabagak ed sikayoy katwaan: siak so puirtan dadalanen da ray karniro.

Juan 13:16

Ibabagak ed sikayoy katwaan: anggapoy aripen a napalabsanan toy katawan to. Anggapo met so ibabakin napalabsanan toy angibakid sikato.

Juan 13:38

Inmebat si Jesus, Tua kasin sipaparaan kan ompatey makasengeg ed siak? Ibabagak ed sikay katwaan: kasakbayay ikukaok na lalung, mamitlon ibagam ya ag mo ak kabat.

Juan 14:12

Ibagak ed sikayoy katwaan: siopamay toon manisiad siak gawaen to ray gagawaen ko, tan lalon dakel ni ingen ta onla ak ed Ama.

Juan 16:20

Ibabagak ed sikayoy katwaan: mannangis tan manermen kayo, balet manliket so sankamundoan. Manermen kayo, balet magmaliw a liket so ermen yo.

Juan 16:23

No onsabiy tan ya agew, ag kayo onkerew ed siak na antokaman. Ibabagak ed sikayoy katwaan: iter na Ama so antokaman a kerewen yod sikato diad ngaran ko.

Juan 21:18

Ibagak ed sikay katwaan: nen ogaw ka ni, sikay mansosolung na kawes mon dili tan oonla kad labay mon laen. Balet no masiken ka la, iyonat mo ray limam tan sananey so mangisolung na kawes mo tan iyakar to ka ed ag mo labay a laen.

Juan 3:3

Inmebat si Jesus ed sikato, Ibagak ed sikay katwaan: likud a nianak lamet so sakey a too, ag to nanengneng so Panariay Dios.

Juan 3:5

Ibagak ed sikay katwaan, ebat nen Jesus, no ag nianak ed danum tan Ispiritu so sakey a too, ag makaloob ed Panariay Dios.

Juan 5:19

Kanyan imbaga nen Jesus ed sikara, Ibabagak ed sikayoy katwaan: say Anak ag makapanggaway antokaman a sikaton dili labat. Gagawaen to labat so nanenengneng ton gagawaen na Ama to. No antoy gagawaen na Ama, ontan met so gagawaen na Anak.

Juan 5:27

Inter na Ama ed Anak so pakayarin manintinsia, ta sikatoy Anak na Too.

Juan 6:26

Inmebat si Jesus, Ibabagak ed sikayoy katwaan: aanapen yo ak aliwan lapud anengneng yo ray makapakelkelaw a gawgaway pakayarik, no ag lapud napsel kayon angay tinapay.

Juan 6:32

Inmebat si Jesus, Ibabagak ed sikayoy katwaan: aliwan si Moises so angiter ed sikayo na tinapay a nanlapud tawen. Say amak so mangiiter ed sikayo na tuan tinapay a nanlapud tawen.

Juan 6:47

Ibabagak ed sikayoy katwaan: say manisia walay bilay ton andi-anggaan.

Juan 6:53

Inkuanen Jesus sirin ed sikara, Ibabagak ed sikayoy katwaan: no ag yo kanen so laman tan inomen so dala na Anak na Too, ag kayo nawalaay bilay ed sikayon dili.

Juan 8:34

Inmebat si Jesus, Ibabagak ed sikayoy katwaan: balang sakey a mankasalanan aripey kasalanan.

Juan 8:51

Ibabagak ed sikayoy katwaan: say mangonur na salitak ag balut ompatey.

Juan 8:58

Ibabagak ed sikayoy katwaan, kuanen Jesus, Kasakbayan a nianak si Abraham, Siak et Siak.

Saray Gawgawa 10:11

Anengneng ton linmokas so tawen tan walay onleleksab a singa balbaleg ya oles a mambitbitin so apatiran suyok to.

Saray Gawgawa 7:56

Inkuanen Esteban, Nengneng yo! Sankanengneng koy tawen a linmokas, tan say Anak na Too a manalalagey ed nikawanay Dios!

2 TESALONICA 1:7

Sikayo ran mantetepel na kairapan, kaiba mi kayon naitday inawa, diad isabiy Katawan tayon Jesus a manlapud tawen tan kaiba to ray makapanyarin anghil to.

2 TESALONICA 1:9

Manlikna ray dusa, salanti say andi-anggaan a kaderal da tan say kiarawi rad arap na Katawan tan diad mapagalang a pakayari to.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

Saray Hebreo 1:14

Siopa sirin iray anghil? Ispiritu ran amin a manlilingkur ed Dios, tan imbaki to ran ontulong ed saray mangawat na kilalaban.

Judas 1:14

Sikaray labay ya ibaga nen Enoc, a kabyangay kumapiton kailalakan a nanlapud si Adan, nen nampropisiya, Nengneng yo! Onsabiy Katawan a kaiba to ray libo-libon masanton anghil to,

Puyan 19:11

Anengneng kod satay tawen ya alokasan, tan walay kabayon ampoti. Say akakabayo tatawagey Matoor tan Tua; matonung so panintinsia tan pibabakal to.

Puyan 4:1

Kasumpal to ya, walay sananey a naimatunan kon payawar: anengneng kod tawen so sakey a puirtan lokas. Insan ko lamet nadngel imay bosis a singa tanul na sakey a trumpita ya inkuanto, Segep ka dia, ta ipanengneng kod sikay nakaukolan ya onsoblay a nagawa.