Juan 1:27 - Maung a Balita Biblia

²⁷ Ontombuk ya onsalat ed siak, balet ag ak manepeg a mangokbar na anggan bariber na sandalya to.

Maung A Balita Biblia

²⁷ Ontombuk ya onsalat ed siak, balet ag ak manepeg a mangokbar na anggan bariber na sandalya to.”

Juan 1:27 Iomraidhean Croise

Genesis 14:23

ya ag kon balut mangala na antokaman a kayaryan mo, anggan tinebey o sakey a bariber na sandalya. Ag mon balut nibagad satan, Siak so nampayaman ed Abram.

Mateo 3:11

Siak bibinyagan ta kayo ed danum a pakanengnengay impagbabawi tan impangibeneg yod saray kasalanan yo; balet say manomtombuk ya onsalat ed siak et binyagan to kayo ed Ispiritu Santo tan apoy. Lalon makapanyari nen siak tan ag ak manepeg ya anggan manlibit na saray sandalya to.

Marcos 1:7

Inkuantod saray totoo, Walay manomtombuk ya onsoblay ed siak a lalon makapanyari nen siak, tan ag ak manepeg a mangokbar na sandalya to.

Lucas 3:16

Kanyan inkuanen Juan ed sikaran amin, Siak bibinyagan ta kayo ed danum, balet walay manomtombuk ed siak. Sikatoy makapanyari nen siak tan ag ak manepeg ya anggan mangokbar na sandalya to. Sikato binyagan to kayo ed Ispiritu Santo tan apoy.

Juan 1:15

Nantasiy Juan na nipaakar ed sikato. Imbabando to, Sikatoy labay kon ibaga nen kuankod sikayo, Manona nen siak so maromtombuk ya onsalat ed siak, lapud wala la kasakbayan a nianak ak.

Juan 1:30

Sikato ya may labay kon ibaga nen kuanko, Manona so manomtombuk ya onsalat ed siak lapud wala la kasakbayan a nianak ak.

Juan 10:41

dakel a totoo so linmad sikato tan inkuanda, Anggapo ray milagron ginawa nen Juan, balet tuan amiy imbabaga ton nipaakar ed sayan too.

Saray Gawgawa 13:25

Nen magano lan nasumpal so kimey nen Juan, imbaga tod saray totoo, Antoy abaloan yod siak? Aliwan siak so Cristo, balet sikatoy onsabin onsalat ed siak tan ag ak manepeg ya anggan mangekal na sandalya to.

Saray Gawgawa 19:4

Inkuanen Pablo, Say binyag nen Juan et para saray totoon nagbabawid saray kasalanan da. Imbaga tod saray totood Israel a nepeg day manisia ed samay ontotombuk ya onsalat ed sikato, a si Jesus.