Josue 3:8 - Maung a Balita Biblia

⁸ Ibagam ed saray paparin manasakbat ed Kaban na Sipanan a no nasabi ray ilog, onlasur irad danum tan manalagey irad man ed gilig.

Maung A Balita Biblia

⁸ Ibagam ed saray paparin manasakbat ed Kaban na Sipanan a no nasabi ray ilog, onlasur irad danum tan manalagey irad man ed gilig.”

Josue 3:8 Iomraidhean Croise

2 Saray Arari 2:6

Insan inkuanen Elias ed kinen Eliseo, Tilak ka dia natan; ingganggan na Katawan ya onla ak ed Ilog na Jordan. Balet inmebat si Eliseo, Sambaan ko diad inkatoor kod mabilay a Katawan tan diad sika ya ag ta ka sianan. Kanyan linma ran dua,

2 Saray Awaran 29:15

Tinipon da ray kapara ran Levita, tan nilinisan day sikaran dili onung ed ganggan. Insan onung na ingganggan na ari ginapwan dan nilinisan so Timplo onung ed Ganggan na Katawan.

2 Saray Awaran 29:27

Ingganggan nen Ezekias ya isaklang la so bagat a popoolan; et nen nigapo lay pambabagat, nankanta ray totoo a pangidayew dad Katawan, tan pinaknul na saray tumutogtog iray trumpita ra tan saray arum a kagawaan na musika.

2 Saray Awaran 29:30

Si Ari Ezekias tan saray pangulo na bansa et imbaga rad saramay Levita a kantaen dad Katawan iray kanta a pangidayew ya insulat ira nen David tan si Asaf a propita. Kanyan kinanta ran malikeliket legan dan mantatalimukor tan mangigagalang ed Dios.

2 Saray Awaran 30:12

Tinenyeg met na Dios so kapusoan da ray totood Juda tan impankakasakey to rad pilalek dan mangonur na linawa to diad panumpal dad saray ganggan na ari tan saray opisyal to.

Nehemias 13:22

Ingganggan ko ray Levita a linisan day sikaran dili onung ed ganggan, insan ira onlan mangguardiad saray puirta pian naasikaso ran masanto lawas so Agew na Panagpainawa. Nudnunot mo ak pa, O Dios, lapu met ed saya, tan ag mo ak papaolyan lapud kabaleg na ag mangoman a panangarom.

Nehemias 13:28

Si Joiada a lakin anak nen Eliasib so Pangulon Pari. Balet inasawa na sakey ed saray lalakin anak to so anak nen Sanbalat a taga baley na Bet-horon, kanyan pinataynan kod Jerusalem si Joiada.

Exodo 14:13

Inmebat si Moises, Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio.

Saray Tagleey 3:26

Maung so mananos a manalagar ed panangilaban na Katawan.

Josue 3:17

Nen ombabaliw ed amagan dalin ira may totoo saramay paparin manasakbat ed samay Kaban na Sipanan et nanalagey irad amagan dalin ed pegley na Ilog na Jordan anggad akabaliw ya amin iray totoo.

Josue 3:3

tan inkuandad saray totoo, No kanengneng yod saray paparin sankaawit day Kaban na Sipanan na Katawan a Dios yo, taynan yoy kampo tan tombuk kayod sikara.

Josue 3:7

Say Katawan kuantod kinen Josue, Lapud gawaen ko natad sayan agew, igapo na amin da ray Israelita so pamagalang dad sika a sakey a matalonggaring a too, tan nabirbir da a wala ak ed sika a singa inkiwalak ed kinen Moises.

Josue 3:9

Insan inkuanen Josue ed saray totoo, Gali dia ta dengel yoy ibagad sikayo na Katawan a Dios yo.

Josue 4:11

Nen akabasil la ra, inmonad sikara iray paparin manasakbat na Kaban na Sipanan na Katawan.