Jonas 1:9 - Maung a Balita Biblia

⁹ Sakey ak a Hebreo, ebat nen Jonas. Mangigagalang ak ed Katawan a Dios na tawen, say nanggawad dalin tan say dayat.

Maung A Balita Biblia

⁹ “Sakey ak a Hebreo,” ebat nen Jonas. “Mangigagalang ak ed Katawan a Dios na tawen, say nanggawad dalin tan say dayat.”

Jonas 1:9 Iomraidhean Croise

Genesis 1:10

Tinawag to na Dalin so amagan pasen, tan Dayat imay danum ya atipon. Say Dios anengneng to a maung so agawa.

Genesis 14:13

Balet walay toon akabatik tan imbaga to ra yan amin ed kinen Abram a Hebreo, a manaayam ed abay na saray masanton kiew nen Mamre ya Amorreo. Si Mamre tan di Escol tan Aner ya agagi to et kagampi ray Abram.

Genesis 24:7

Say Katawan a Dios na tawen pinaekal to ak ed abung di amak tan diad dalin da ray kakanayon ko, tan sinambaan tod siak ya iter to yan dalin ed saray kabyangay boleg ko. Mangibaki na anghil to ya ononan onla nen say sika, pian makala kad man na asawaen na anak ko.

Genesis 39:14

tinawag to ray aripen to tan inkuanto, Nengneng yo ya! Eekalan itayoy kagalangan na samay Hebreo ya insempet na asawak. Linmoob ed kuartok tan labay to ak ya akdulan, balet inmeyeg ak na anggaay nayarian ko.

2 Saray Arari 17:25

Diad onona ran taon na impanayam dad man, ag da inggalang so Katawan, kanyan pigarad sikaray pinatey na lion ya imbaki na Katawan.

2 Saray Arari 17:28

Sakey sirin a parin Israelitan nanlapud Samaria so linmad Betel tan nanayam diman insan binabangatan tod man iray totoo no panoy pangigalang ed Katawan.

Esdras 1:2

Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Esdras 5:11

Inebatan da kami, Sikami ray aripen na Dios na tawen tan dalin, tan ipapaalagey mi lamet so Timplon inmonan impaalagey na sakey a makapanyarin ari na Israel a sikato met so angyan na saray kagawaan to nen abayag lan panaon.

Nehemias 1:4

Nen nadngel ko ya, inmirung ak, insan ak nanakis. Pigay agew ak a nanermen tan ag angan. Nampikasi ak ed Dios.

Nehemias 2:4

Tinepet na impirador, Anto siriy labay mon kerewen? Nampikasi ak ed Dios na Tawen,

Nehemias 9:6

Insan saray totood Israel nampikasi ra na onya: Sika, Katawan, sika labat so Katawan; pinalsam iray katawenan tan saray bitewen ed tawen. Pinalsam so dalin tan say dayat tan amin a logan da; initdan moy bilay iray amin a bengatla. Ondadakmomo tan mangigagalang ed sika iray mangatatawen a pakayari.

Say Libro nen Job 1:9

Inmebat si Satanas, Takotan ka kasi nen Job anggaman ya anggapoy nagunggona to?

Saray Salmo 136:26

Misalamat kayod Dios na tawen; andi-anggaan so panangaro to.

Exodo 1:15

Insan say ari na Egipto akisalitad kindi Sifra tan Pua, saray duaran manamianak a Hebrea.

Exodo 2:13

Diad ontombuk ya agew pinmaway si Moises tan anengneng to ray duaran Hebreo a manlalaban. Inkuantod samay nankasalanan, Akin et kakabilen moy kaparam a Hebreo?

Daniel 2:44

Diad panaon da raman a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Saray Gawgawa 14:15

Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Saray Gawgawa 27:23

Ta kalabyan, nampanengneng ed siak so sakey ya anghil na Dios, say Dios ya akankien ed siak tan gagalangen ko.

FILIPOS 3:5

Asegat ak nen kumawalon agew na inkianak ko. Talagan Israelita ak, nanlapu ak ed boleg nen Benjamin, tan nianak ak a Hebreo. No nipaakar ed pananumpal na ganggan so pantotongtongan, sakey ak a Pariseo.

Puyan 11:13

Diad saman a bekta, yinmegyeg na maksil. Aderal so kakaplon parti na siudad, tan piton libon totoo so inaatey lapud samay yegyeg. Tinmakot iray totoon atilak a mabilay, tan inggalang day Dios na tawen.

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.

Puyan 16:11

Inayew day Dios ed tawen lapud saray sakit tan giri-girin paniirapan da. Anggaman ontan, ag ira nampatauli ed saray maoges a gawgawa ra.